UNNIA
Atuagaq meeqqanoortoq nutaaq qimminut qimuttunut tunngasoq saqqummertoq
Atuagaq assiliartalik nutaaq ”Aataa, Anori qimminilu” qimminut qimuttunut tunngallunilu meeqqanut pingasuniit arfineq-pingasunik ukiulinnut naleqquppoq.
Assi: Oscar Scott Carl
Navarana Lennertip Milik Publishing suleqatigalugu
atuagaq nutaaq meeqqanoortoq ”Aataa, Anori qimminilu”-mik atilik
saqqummersippaa. Milik Publishing tusagassiutitigut nalunaarummi taama allappoq.
- Atuakkami kusanartumi tassani meeqqat
inersimasullu qimussertarnermik oqaluttuarfigineqarput, atuakkiortup ilaqutaani
kinguaariiaani ileqqutoqaasumik, saqqummersitsivik allappoq.
Anorip alapernaalluni apersorneratigut atuartoq
qimmit qimuttut sooq immikkuullarissuunerannik tunngaviusumik paasisaqassaaq. Atuagaq
aataap qimmeqarnermini nammineq misigisai pillugit oqaluttuanik naatsunik
imaqarpoq.
Navarana Lennert nammineerluni qimussertarluni
peroriartorpoq.
- Atuakkamik saqqummersitsinermigut nammineq
meeqqami allallu meeraasa qimmit pinngortitarlu illersorniassammassuk
ilisimasani misilittakkanilu ingerlateqqikkumavai, taama nalunaarummi
allassimasoqarpoq.
Atuagaq oktobarip 16-iani saqqummerpoq.
