KL

DK

UNNIA

Gorm Interreg NPA Awardimik nersornaaserneqarpoq

- Ullut tamaasa qiimalluni takkuttarpoq, nukissamik pitsaasunik, aammalu nammineq pimoorussinermik takutitsisarluni suleqatigisartakkaminut sunniuteqartarluni. Nuannaartuunera ullut tamaasa suleqatigiinni qujamasuutissaraarput, Gorm Voldip Interreg NPA Award 2025.mik nersornaaserneqarnera pillugu Nalik Ventures allappoq.
Paninnguaq Steenholdt
Paninnguaq Steenholdt Journalisti
Saqqummersinneqarpoq

Gorm Vold, Nalik Venturesimeersoq, Interreg NPA Award 2025-imi nersornaaserneqarpoq. Nalik Ventures taama nnalunaaruteqarpoq. 

- Gorm Northern Periphery and Arctic suliniut aqqutigalugu suleqateqarnermigut nunatta avataaniit attaviit pilersitassat nukittorsaaqataaffigineratigut nersornaatip uuma takutippaa, Nalik Ventures allappoq.

Nalik Venturesimi nunat tamalaat akornanni suleqatigiinnerunissaq anguniarnerani, nunanut allanut sanilliulluta nukiit inuttassaqarniarnerlu killeqarsinnaasarpugut - soorlu matumani EU-mi suleqatigiinnerni, tusagassiutitigut nalunaarummi allassimavoq.

- Piffissap ingerlanerani Gorm aqqutigalugu ilisimasaq attaveqaatillu ineriartortinneqarsimapput, suliffeqarfitsinnilu iluaqutigingaakkatsinnik.

Sulinitsinni erseqqilluinnartumik anguniagassamik pilersitseqataasarsimavoq – Kalaallit Nunaata nunatta avataanut suleqatigiinnerni matut ammarniarlugit ukkataqarluni, suliffeqarfik tusagassiutitigut nalunaarummi allappoq.

nalik ventures gorm vold interreg npa award kultur

Atorfiit tamaasa takukkit

– Se alle jobs

Powered by Labrador CMS