Marc Fussing Rosbachip qarasaasiakkut pinnguaat Kalaallit Nunaanni tunngavilik
pilersileruttorpaa.
Marc Fussing Rosbachip digitalikkut nunarsuaq,
nunatta pinngortitaanik pissanganartunillu ersersitsisoq, ilusilersorniarlugu
ukiut kingulliit marluk sunngiffimmini suliarisarsimavaa.
Marc Fussing Rosbachip qarasaasiakkut pinnguaat Kalaallit Nunaanni tunngavilik
pilersileruttorpaa.
Kiinarpak aliikkusersuutaavoq pinnguaammik toqqorsimasoq, Marcip pilersileruttugaa. Assi:
Oscar Scott Carl
Marc Fussing Rosbachip digitalikkut nunarsuaq,
nunatta pinngortitaanik pissanganartunillu ersersitsisoq, ilusilersorniarlugu
ukiut kingulliit marluk sunngiffimmini suliarisarsimavaa.
- Isumassarsiaq ukiorpassuarni piginikuuara.
Inuusuttuaraallunga pinnguaatit nunarsuaasuusaartitami ammasumi pisuusaartitat,
soorlu ”Zelda: Breath of the Wild” aamma ”Fallout”, pinnguaatigisarpakka,
Kalaallillu Nunaanni pinngortitami pinnguaatigigaanni qanoq ikkumaarnersoq
eqqarsaatigiuarpara, Marc Fussing Rosbach AG-mut oqarpoq.
Nunarsuaasuusaartitami pinnguaatini
kiffaanngissuseqarluinnarlutit nunarsuaq ammasoq ataqatigiissorlu nammineq
sukkassutsit atorlugu misissorsinnaavat.
- Pinnguaat nunarsuarmi ammasumiippoq nunakkut
immakkullu misissuiffigineqarsinnaalluni, kalaallit pinngortitaannit
kulturiannillu isumassarsiarititaasoq. Pinnguartup avatangiisit kusanartut,
isertugaatit toqqortat pisullu eqqumiitsut oqaluttuamik annertunerusumik
saqqummersitsiartuaartut ilimagisinnaavai, Marc Fussing Rosbach oqarpoq.
Pinnguaatip qaqugu saqqummersinneqarnissaa suli
aalajangerneqarsimanngikkaluartoq, kulturikkut alloriarneruvoq: qarasaasiami
pinnguaat siullerpaaq kalaallisut ilisarnaatilik.
- Aningaasatigut tapersersorneqarumaartoq
neriuutigaara, tassami ulloq naallugu suliarisinnaanissaa kissaatigigaluarakku,
taanna oqarpoq.
