Nino Fencker, nipilersortartoq,
50-ileeqqammerpoq. Taanna nipilersortartoqatigiinni arlalippaalunni soorlu
INUA-kkunni, Zikaza-kkunni Aalut-kkunni tumerparpaartuusartoq AG-mit
oqaloqatigaarput.
- Nuanneqaaq ukiut 50-it angullugit.
Ulloq eqqissiivillunga nammineq atorujoorpara, Nuummilu ilaquttakka
qaninnerpaat illoqarfimmut unnukkut neriartoqatigalugit. Nipilersortartut
qanimut suleqatigisakka uagutsinnut unnussiuaaqatigiumallugit aqaguani
qaaqquakka, nuannisarujussuarluta appittarlutalu unnuk atorparput, nuan!, Nino
Fencker AG-mut oqarpoq.
Nino Fencker, nipilersortartoq,
50-ileeqqammerpoq. Taanna nipilersortartoqatigiinni arlalippaalunni soorlu
INUA-kkunni, Zikaza-kkunni Aalut-kkunni tumerparpaartuusartoq AG-mit
oqaloqatigaarput.
- Nuanneqaaq ukiut 50-it angullugit.
Ulloq eqqissiivillunga nammineq atorujoorpara, Nuummilu ilaquttakka
qaninnerpaat illoqarfimmut unnukkut neriartoqatigalugit. Nipilersortartut
qanimut suleqatigisakka uagutsinnut unnussiuaaqatigiumallugit aqaguani
qaaqquakka, nuannisarujussuarluta appittarlutalu unnuk atorparput, nuan!, Nino
Fencker AG-mut oqarpoq.
Avatangiisit
allanngoriartorusaaginnavittut, 50-iliinermini paasileratarpaa.
- Meeqqat inersimasunngulerput,
inersimasut utoqqanngulerput, nammineq akornaniippunga
misilittagartuunngoriartuaarlunga, inuuneq ingerlavoq sulilu tunissutissarsuarnik
suliassanillu ulikkaarluni, Nino Fencker oqarpoq.
Timikkut tarnikkullu peqqissorsuulluni
ukiut taakku angugamigit qujamasuutigeqigini, taassuma aamma oqaatigaa.
- Neriuppunga ukiorpassuit suli
taamatut ingerlaannarsinnaassallunga. Nipilersorneq aamma timersuutaavoq,
ingammik tumerparpaat eqqarsaatigalugit. Taamaammat timikkut aalajaatsuunissaq,
qasujaannissaq nukinnillu aqutsilluarsinnaanissaq pisariaqartorujussuulluni, taanna
oqarpoq.
Nino Fencker Ilulissaneersuusoq
Nuummi maanna najugaqarpoq. Kista L. Fencker nuliaraa.
