Qeqqata Kommunia Rauma-prisen 2025-mik nersornaaserneqartoq
Nunarsuarmioqatigiit kingornussassaqarfia Aasivissuit – Nipisat pillugit sivisuumik suliaasimera Rauma-pris 2025-mik nersornaaserneqarpoq.
Pressefoto: Jens Fog Jensen (SNM).
Qeqqata Kommunia nunarsuarmi kingornussassanut allattorsimaffimmiittoq Aasivissuit – Nipisat pillugit suleqatinilu Danmarkimi Nordisk Verdensarvskonference ingerlanneqarneranut atatillugu Sermersuup Immallu akornanni inuit piniarfii pillugit suliaqarnermut atatillugu Rauma-pris 2025-mik nersornaaserneqarput.
Nersornaat Avannarlerni Nunarsuarmi kingornussat pillugit immikkuullarissumik suleqatigiilluarsimasunut akuutitsisunullu tunniunneqartarpoq. Qeqqata Kommunia pinngortitaq piorsarsimassuserlu imminnut ataqatigiilluinnartunik piujuaannartitsinissamik suliniuteqarsimanerannut nersornaasiisoqartoq ilaatigut tunngavilersuutigaat. Peqataatitsinikkut piorsarsimassutsikkut kingornussassanik illersuinissaq paasissutissanillu avitsinissaq ineriartortikkaat, naliliisartut ilaatigut nersualaarutigaat.
Sivisuumik sulineq kinguneqarpoq
Ukiut kingulliit sisamat ingerlaneranni Qeqqata Kommunia aningaasaateqarfiit arlallit suleqatigalugit kiisalu kommunalbestyrelsi suleqatigalugit annertuumik suliniuteqarpoq. Ilaatigut nittartakkamik nunap assinganik nutaamik pilersitsineq, Sisimiuni Kangerlussuarmilu katersugaasivinni saqqummersitsineq, atuakkiorneq, nunatami piffinni assigiinngitsuni misiliummik suliniuteqarnerit kiisalu pinngortitap eriagisaaneranik mianerinninnissamut nalilersuinerit.
Nersornaat pisussaaffiliisoq
Nunarsuarmi kingornussassaqarfimmi Aasivissuit - Nipisammi aqutsisoq Paninnguaq Fleischer-Lyberth ima oqarpoq:
- Nersornaat tulluusimaarutigeqaarput. Taassuma takutimmagu piffissaq sivisunerusoq eqqarsaatigalugu suliniuteqarnerput nunat tamalaani maluginiarneqartoq, aammalu pinngortitami, piorsarsimassutsimi sumiiffimmilu peqqissaartumik suliniuteqarneq Kalaallit Nunaata killeqarfii qaangerlugit naleqartoq.
Nersornaat pinngortitamut sumiiffimmilu najugaqartunut ataqqinnittumik Nunarsuarmioqatigiit kingornussassaqarfiata Aasivissuit – Nipisat pillugit "suliaqaannarnissamut, piujuartitsinissamut, illersuinissamut aamma paasissutissanik ingerlatitseqqinnissamut ingerlaannarnissamut piumassusinitsitsisoq" aamma oqarpoq.
