Atuakkami angut ”Qilaappali” meeraaneraniit oqaluttuaavoq
pissanganartoq.
Qilaappalip utoqqanngoreerluni pulaartiminut misigereersimasani
Kalaallit Nunaanni kristumiutut inuunngikkallarneq sioqqullugu, issunik
ujaqqanillu qammakkami illoqarnermit, qaannamillu piniartarnermit,
inooriaatsimut nutaarluinnarmut ikaarsaarnermi aqqusaartarsimasaminik
oqaluttuarpoq.
Atuakkami angut ”Qilaappali” meeraaneraniit oqaluttuaavoq
pissanganartoq.
Qilaappalip utoqqanngoreerluni pulaartiminut misigereersimasani
Kalaallit Nunaanni kristumiutut inuunngikkallarneq sioqqullugu, issunik
ujaqqanillu qammakkami illoqarnermit, qaannamillu piniartarnermit,
inooriaatsimut nutaarluinnarmut ikaarsaarnermi aqqusaartarsimasaminik
oqaluttuarpoq.
Atuakkami oqaluttuartinneqartoq angut Qilaappali
malittarineqarpoq. Inap inuunermi nutaaliaasumi sungiussisimasoq Qilaappali
pulaartarpaa, inuuneranillu meeraaneranit utoqqalinissaa tikillugu
oqaluttuartillugu.
Piniartukkormiut inuiaqatigiiaqqatut inuusut qaannanik
umianillu angallaqateqarlutik inooqatigiinnerannik ilaatigut oqaluttuaavoq,
kingorna inooriaatsimut nutaarluinnarmut ikaarsaarnermik piviusumik
tunngavilimmik: kristumiunngorneq illoqarfinnullu nutserneq. Naak nunatsinni
nuna ataasiugaluartoq, kitaani kristumiunngujaareersimanerup, nutaaliaasumillu
inuuneqalereersimanerup, Qilaappalip sungiusimasaaniit allaanerulluinnarnera
tikinneqarpoq. Ilaquttami sungiusimasami ileqqui nunatta kitaani inuuunermut
nutaaliaasumut tulluarsarniarsarineri, soorlu qaannamik piniartarnermit
kingorna qajaarunneq umiatsiaqalernermullu ikaarsaarneq ilaanni
assoroornarsinnaaqisoq tikinneqarputtaaq.
Qangatut inuuneq pissutigalugu
inuiaqatiminit qinngarsorneqarneq ajattorneqarnermilu kingorna, imigassamut
nakkaanneq kulturit marluk aporaannerannit pinngortut misigineqarput. Narrujuumminerup kingorna
qivikkaluarneq, kingornali inuiaqatigiinnut uterneq, tunumi kitaanilu inuunerup
inooriaatsillu allaanerulluinnarneri tiguartinnarluinnartumik
oqaluttuarineqarput. Qilaappalip nunatta kitaani ilaqutsiulernermini
misigisartagai atuakkami 243-nik quppernilimmi atuarneqarsinnaapput. Atuagaq
nunatta oqaluttuarisaaneranut tunngalluinnarpoq, naak oqaluttualiatut
taaneqarsinnaagaluartoq piviusumik tunngavilimmik atuakkiaavoq nunatta
oqaluttuarisaaneranut soqutiginnittunut innersuunnartoq. Nunatsinnimi
kristumiunngortut kingulliit tassaammata tunumiut, qanga inuit qanoq
inooriaaseqarsimaneri pingaartumik tunumi, ileqqutoqqanik paasisaqarusukkaanni
atuagaq una innersuunnarpoq.
Atuagaq Nuummi pisiassaavoq
ukunani: Nuuk Kunstmuseumimi, Nuutoqaq Lokalmuseum aamma Anori Art. Paamiuni
Katersugaasivimmi pisiassaavoq. Qaqortumi Bolt Lamarimi.
Qulequtaa: ”Qilaappali”
Atuakkiortoq: Viktoria Joelsen
Saqqummersitsisoq: Arctic Media, 2024
5/6 isbjørne
