Trumpip
nunatsinnik soqutiginninneranit sakkortuneroqisumik qilanaaqalunga Nuup
qiterpasissuaniittumi Smile Thai Massage & Beautymik atilimmut tagiartuisarfimmukarujoorpunga.
Tassani neqeroorut nutaaq , tassa
sauna infrarødiusoq (IR sauna) misilikkiartorpara. Saunat taamaattut
qasujaallisarluni sungiusarnermitulli kiagunnartigisartut googlerneranni
paasinarsivoq.
Trumpip
nunatsinnik soqutiginninneranit sakkortuneroqisumik qilanaaqalunga Nuup
qiterpasissuaniittumi Smile Thai Massage & Beautymik atilimmut tagiartuisarfimmukarujoorpunga.
Tassani neqeroorut nutaaq , tassa
sauna infrarødiusoq (IR sauna) misilikkiartorpara. Saunat taamaattut
qasujaallisarluni sungiusarnermitulli kiagunnartigisartut googlerneranni
paasinarsivoq.
-
Taamaattumi minutsit 30-t 60-illu akornanni saunarnerinnaq 900-t tungaannut
kaloriakinnerulersitsisinnaasarpoq. Timi taamaalilluni
toqunartortaajalersarlunilu igitassaajalersarmat ilorraallatsitsisartoq
googlerneranni paasivara.
- Uuh,
kaloriat 900-t? Big Tasty Bacon Burger McDonaldsimeersoq 890-it missaannik
kaloriaqarunartoq isumaliorpunga.
PISSAMAAQALUNGA
tagiartuisarfimmut iserama eqqissiallannartumik nipilersuuteqartoq tusaavara
sulisullu qungujulallutik.
-
Asattuunneqarnak tagiartorneqariarlutit (Deep Tissue Massage) saunassaatit,
angut nerriviusap tunuaniittoq oqarpoq.
AG Smile Thai Massagemeeqqammerpoq. Tassani neqeroorut nutaaq, tassa sauna infrarødiusoq ulluni makkunani pisoqarfioqisunit ingalassimaffissaqippaseqisoq misilippaa.
Assi: Oscar Scott Carl
Ingallunga
pissamaarneruleraangama.
Nalaasaarfimmut
ingikkama eqqarsaatikka imaaginnavipput.
-
Unnukkorsiornissatsinnut akussat tamaasa pisiarinerpakka? Kommunimut qinersineq
sumummita killippa? Aanagamita ullumi qanoq ippa? Tassa tamakkuupput
eqqarsaatima ilamerngi.
Tagiartuisartup
iseriartoqquaanga. Eqqarsaatikka kaavikkunnaariataarput.
Pallungavunga
tagiartorneqarnissannullu piareersimalluinnarlunga. Tuikka tagiartoqqaarpai.
Na´aa, na´aa. Sukattooqqangaatsiartunga malugisinnaagini oqarfigaanga.
Attoraangalu eqqasuutaarullungalu naalarulukkunnaartarpunga.
-
Ulluni makkunani pisoqarfioqisuni pisariaqartissimaqalugu paasileratarakku
qujamasuummerujussuarpunga.
IR SAUNA SUUA?
IR
sauna infrarødiusunik kiassaasersugaavoq. Kiassaatit infrarødiusut
sajukulaartitsilersartunik kajungerisartortaliusut innaallagiatortuupput. 50-60
gradinik kiattarpoq silaannaalu saunatut nalinginnaasutulli isugutasuunani
panertuuvoq. Kiassaatit infrarødiusut timi centimeterit sisamat missaannik
akimorlugu kiagulertortilersarmassuk taamaattumiinneq anisinartaqaaq. IR saunat
timikkut eqqarsartaatsikkullu akornutinut assigiinngitsunut arlalinnut
katsorsaatissaqissutut amerlasuunit isigineqartarpoq. Aamma sanigorsarnermi
tapertatut timillu igitassaajarnissaanut toqunartortaajaatitut atorneqarsinnaavoq.
Najoqqutaq:
Saunaovn.dk
Timera
lakridsitugarisimasannit naatsiiallu panertutugarisimasannit igitassaajartoq Tagiartorunnaaraminga
inimut allamukaappaanga. Naatitanikn sukkulaatiminernik tiimillu
sassaallerfigineqarpunga.
Tassa
saunarnissara piffissanngorpoq.
Nalunaaquttap
akunnerata affaani issiarujoorfigisassanni sikaaviusamiippunga. Iserfigigakku
kialaangaarmat oqiliallaqalunga anersaarpunga, sunaaffami kialaartumiinnissara
pisariaqartissimallugu. Kaar, iluaq.
Timera
anisipilooriartuaarpoq, ilorrisimaarnangaarmallu allamik eqqarsanngilanga
nuattunut tamanut misileqqunaraluaqisoq. Malugisinnaavara timera
toqunartortaajalertortoq. Timera lakridsitugarisimasannit
sikutugarisimasannillu qanoq igitassaajartiginersoq takorloornanngitsuunngilaq.
Toqunartortaajaammik allamik pitsaanerusoqarunanngilaq.
Malaamiarlunga
qanoq isikkoqarnerlunga imminut takorloorninni qungujulaarpunga.
Ilorrisimaangaarama malugisimaartuusivunga. Sinngualaarlunga saunamiit
sikaaviusaasumiit anillariarlunga issiavimmut ingikkama
appelsiinaminertorpunga. Imermik nillarilluinnartumik najorsigama
panertoorunnaalertorpunga. Ulluinnarni piviusunit
ingalassimaffissaqqippaseqimmat imminut eqqaasilaarpunga ulluni makkunani
ulapaarfioqisuni tamaannakulaarnerusariaqarlunga. Ilorrisimaartarfimmiit
anigama silasilerpunga eqqarsaatikka kaavikkunnaarsimasut
inissitsitersinnaalerlugit. Unukkorsiornissatsinnut akussat tamaasa
PISIARISIMALLUGIT eqqaavara, kommunimut qinersineq qimaanavianngilaq aanagalu
qanoq innersoq eqqarsaatigiinnarnagu sianerfigalugu paasiniariaannaavara.
Ingasak! Smile Thai
Massage, qujanaq! Asasara illerpiaq atuartoq, imminut
ilorrisimaartilaartarnissat eqqaamasaruk.
