Suluk Berthelsen Avannaata Qimussersuaaraani ajugaavoq
Suluk Berthelsen, arfineq-pingasunik ukioqartoq, Sisimiuneersoq, Avannaata Qimussersuaaraani ajugaasutut imminut taasinnaavoq. Unammineq aallartilluarpoq pissanganaqisumillu naalluni.
Assiliisoq: Tôrtia Reimer-Johansen
Suluk Berthelsen aamma Kayla Broberg Qeqertarsuarmeersoq qaneqarlutik apuuteqqaanniullutik unammipput.
Inuuteq Jessen pingajuulluni apuuppoq, Ole Rosing sisamaattut inissilluni kiisalu Ilasiaq Olsen Thomassen tallimaattut inissippoq.
Unammersuarneq pimmat Oqummiannguup Tasiani innuttaasut isiginnaariat nuannaaqaat. Inuit 500-800-it missaaniittut isiginnaariarput.
Meerarpassuit aamma Avannaata Qimussersuaaraanut isiginnaariakaapput.
Ilaqutariinnut killitsisimanartoq
Sermitsiap ilaqutariit tulluusimaaqisut killitsisimaqisullu naapippaat. Suluup angutaa, Nuka Olsen, qanoq nuannartiginerluni oqaasertaleruminaatsippaa.
Suluk Berthelsen anaanani, Susanne Berthelsen ataatanilu, Nuka Olsen ilaquttanilu.
Assiliisoq: Tôrtia Reimer-Johansen
Suluup angutaata oqaluttuaraa apimmalli qimmit sungiusarsimallutik, ilaatigut Suluk sungiusaqataasarsimalluni. Suluk apersorneqarnissaminut ittuulaarmat ataataata qanoq pissangatigisimanerlutik oqaluttuaraa.
- Unnuaq pissangangaarama sinippianngilanga, ullaakkorsiornangaluunniit anivunga. Unammineq aallartimmat qilalerpunga, imersiniaraluaramalu utaqqinissannut pissangavallaarlunga, Nuka Olsen qungujulalluni oqaluttuarpoq.
Suluk ajugaalluni apuummat, Nukap angunni, tassa Suluup aatagigalua qimagutereersoq eqqarsaataaniippoq.
- Ataataga eqqaamavara, sianerfigerusukkaluarlugu ernuttani ajugaasoq, killitsilluni oqaluttuarpoq.
Ilaqutariit Suluup ajugaanissaa ilimagisimanngikkaluarpaat, taamaattumik kaffillernissartik ullumut allami pissasoq oqaatigaat. Illoqarfimmili illoqarfimmiunut qujasaaniarlutik pilersaarput.
Suluk tulluusimaartoq ilaquttanilu.
Assiliisoq: Tôrtia Reimer-Johansen
