Eqqumiitsuliortup
tamatigoortup 59-inik ukiullip Miki Jacobsenip Nuummi kulturip
illorsuani Katuami aasaanerani saqqummersitsinini taavaa
»Pinngortitarsuaq eriagitigu«.
Taaguutaata saqqummersineqartullu
qalipagarpassuit qiperukkallu ataasiakkaat erseqqissarpaat,
pinngortitap paarinissaa tamatta akisussaaffigigipput.
Eqqumiitsuliortup
tamatigoortup 59-inik ukiullip Miki Jacobsenip Nuummi kulturip
illorsuani Katuami aasaanerani saqqummersitsinini taavaa
»Pinngortitarsuaq eriagitigu«.
Taaguutaata saqqummersineqartullu
qalipagarpassuit qiperukkallu ataasiakkaat erseqqissarpaat,
pinngortitap paarinissaa tamatta akisussaaffigigipput.
– Pinngortitaq uannut
pingaaruteqarpoq, aap, uannut isumassarsisitsisartut pingaarnersaat,
tamatumali saniatigut kingulissavut eqqarsaatigisariaqarpavut,
taamaalillutimmi aamma taakkua pinngortitaq isumassarsiorfissatut
nukissamillu aallerfissatut atortarniassammassuk, Miki Jacobsen
Sermitsiamut oqarpoq.
– Nunarsuarmi
kisimiinngilagut,
oqariartuutigineqartorlu
aamma tikeraartutsinnut
sammivoq. Ukiuni hundredelinni avataanit
isaaffigineqarsimaqaagut,
kisiannili
ukiuni makkunani takornariaqarneruleriartorfiusuni nunanillu
tamalaanit
maluginiarneqarneruleriartornitsinni
tamanna sakkortuvoq.
Inuussutissarsiornermik ineriartortitsinissamut periarfissiivoq,
kisianni aamma ajornartorsiortitsilluni
umiarsuimmi
takornariartaatit piniartut qimusserfiisa
illineri
aqqusaartarpaat.
Tamakku illuatungeriissillugit
iliuuseqarfigisariaqarpavut,
kikkut tamarmik taamaalillutik Nunatsinni pinngortitaq asseqanngitsoq
iluaqutigalugulu nuannaarutigisinnaaniassammassuk.
Naamik,
qimmit
sunoorsitorneq ajorput
Nunarsuup
kiatsikkaluttuinnarneranut iliuuseqarneq, nunarsuaq tamakkerlugu
iliuuseqarfigineqartariaqarpoq, tamannalu inunnit ataasiakkaanit
aallartittariaqarluni. Assersuut mikisoq, uuminartorli:
Pinngortitamik atuilluartutut Miki Jacobsenimut uuminartaqaaq, inuit
sumoorsinik amerliartuinnartunik asimut oriartortalermata.
-
Qimminut
qimuttunut qallunaallu qimmiinut tamakku ulorianarluinnartuupput.
Aamma inuit sunoorsit asimut nassarsinnaagunikkik aamma
angerlaateqqissinnaassavaat.
Miki
Jacobsen Katuami kisimiilluni kingullermik 2015-imi
saqqummersitsivoq, massakkulli saqqummersitsinini piffissaq
sivikitsuinnaq atorlugu piareersarlugu. Taamaalilluni ilaatigut
kingumut qiviarluni saqqummersitassaminik katersinissaminut
periarfissinneqarluni, taamaalillunilu saqqummersitsinerup
sisamanngormat ualikkut ammarneqarnissaa tikillugu nutaanik
isumassarsiortariaqarluni.
Miki
Jacobsen sapaatip akunnerata aallartinnerani,
saqqummersitsinissaminut
piareersarnissaminut
suli
piffissaqartoq, Sermitsiap naapippaa.
– Immaqa puussiarsuaq imerpalasoq saqqummersitsinermut
ilanngunneqassaaq eqqaasitsissutitut eqqakkat
angerlaassunneqartassasut pinngortitamut kuerarneqassanatik, Miki
Jacobsen oqarpoq.
Upernaaq
ulapaarfiusoq
Miki
Jacobsen upernaaq manna
ulapaarlualaavissimavoq.
Ukiumi nutaami frimærki
saqqummersinneqartussaq siulleq januaarimi titartarpaa, taanna
tassaalluni qimussimik alapernaarsuisartut Siriusikkut
pilersinneqarnerannit ukiut 75-inngortorsiornerannut atatillugu
frimærki saqqummersinneqartussaq. Tamatuma peqatigisaanik 1992-ip
kingorna frimærkit titartartagaasa normu 36-eralugu.
Ilisarnaat
puisinik pingasunik ilisarnaatilik
kunngeqarfiup Issittumi Siunnersuisoqatigiinni 2025-27-mi
siulittaasuunissaanut
ilisarnaataasussaq apriilimi
tunniuppaa.
Maajimi
eqqumiitsuliortut peqatigiiffianni Kimimmi
ukiorpassuarni ilaasortatut
Nuummi
Eqqumiitsulianik Katersugaasivimmi saqqummersitseqataavoq,
taannalu aggustip naanissaata tungaanut takuniarneqarsinnaalluni.
Maannalu Katuami septembarip
28-ata tungaanut aasaanerani
saqqummersitsivoq.
