Anguteralak (21.03 – 19.04)
Asanninneq
Asanninneq imminullu nuannaarutigineq
marsimi naniumminaassapput. Aappassarsiornissamut imaluunniit siullermeerluni
ajuutigisamik naapitsinissamut piffissaq pitsaanngilaq. Aappariinnermi aappallu oqqannissinni nammineq kukkussutinnik
nassaaruit aaqqiagiinngissuteqarfiusinnaavoq. Maaji aappartaarnissamut, assammiortaarnissamut
katinnisssamulluunniit (imaluunniit aappannik feeriaqateqarnissamut) qaammataavoq
piukkunnarnerpaaq, tassami anguteralaat asanninnermik kissaateqartut
nukissaqaleqqissapput.
Suliffik
Ullut uku iluatsittussanik isumassarsiullaqqissuunissamut
periarfissaqarluarnerussaatit; apriilip 4-5-iat aamma aggustip 12-iat.
Sapiissuseqarnikkut nikallujuitsuuguillu iluatsitsilluassaatit. Sulilluarnerit
sakkortunerujartillugu iluatsitsilluarnerussaatit! Eqqumaffigiulli aningaasanik
atorniarnissamut atukkiinissamulluunniit, illumik pisinissamut imaluunniit
nammineq sullivimmik aallartitsinissamut piffissaq naleqqutinngimmat. Oqaatsit
najoqqutarisassatit tassaapput nikallujuissuseq aamma misissorneq.
Peqqissuseq inooriaaserlu
Ukioq manna allannguinerit,
utertoornerit aamma nalilersueqqinnerit naatsorsuutigisinnaavatit ingammik
peqqissutsit, timikkut eqqarsartaatsikkullu pissutsit namminerlu
pilersaarutitit eqqarsaatigalugit. Pingaarutilinnik siunissamullu
ungasinnerusumut tunngasunik januaarimi, februaarimi aamma marsimi
aalajangiussaqarnaveersaarit.
Angutikulooq (20.04 – 21.05)
Asanninneq
2025-mi pisussat allanngorartut ilimagisinnaavatit. Marsi qaammataassaaq
pisoqarfiulluartoq, aappaqarneq aappaqannginnerluunniit
oqimaaqatigiissikkuminaassallutik. Angutikuluut isumalluartut ilaat siornatigut asaqatigiinnerminnik
misigisaqaqqikkusupput, ilumoorlutilli aqqusinikkut ujaralikkut
ammukaqqikkusuppit? Aappariinnitoqqamik qasunartumik uummartitseqqinnissamut
imaluunniit nutaamik nuannersumik asannilersooqqanermik neriunaatilimmik aallartitsinissamut
qaammatit maaji aamma juuni pitsaanerpaapput.
Suliffik
Aningaasaqarneq nalorninarsinnaassaaq. Aningaasaateqarluaraangavit
aningaasanik toqqorsisarnissat silatusaarnerussaaq, aningaasakilliulernissannut
isumannaannerussagavit. Juunip 10-anniit attaveqaqatigiinnermut,
ilinniagaqarnermut, internetikkut attaveqaqatigiittarfinnut sanilinnullu
attaveqarninnut tunngatillugu iluatsitsilluassaatit. Taamaattumik najukkassinni
inuiaqatigiinnut peqataasalerlutit maannakkut aallartigit. Novembarip 10-anniit
19-annut aningaasanik taarsigassarsinaveersaarit, illusinaveersaarlutit imaluunniit
namminersorlutit suliffimmik aallartitsinnaveersaarit.
Peqqissuseq inooriaaserlu
Misissueqqissaartuarit sammisassallu
nutaat soqutiginartut sammisalerlugit. Qamuuna pilerissutsivit attaviginissaanut
ilisarisimasavillu amerlinissaannut piffissanngorpoq. Inuit isumassarsisitsisut
peqatiginerullugit isumassarsiullaqqinnerulissaatit. Qaammatit nutaanik pilersitsinissanut
tulluarnerpaat tassaapput maaji, juuni oktobarilu. Nunami namminermi angalanerit,
nunamulluunniit sanilerisamut angalanerit sivikitsuinnaat, juunip qulinganit
decembarip 31-ata tungaanut pisinnaasariaqassapput.
Marlulissat (22.05 – 21.06)
Asanninneq
Kisimiittuuguit suliffinni
asannilersooqatigiinnerit marsimi apriilimilu ingalassimasariaqarpatit.
Aappaqaruit marsimi/apriilimi misigisinnaavutit aappariinnersi unittoorsimasoq
imaluunniit allaat ajorseriartoq. Erinitsajuillutit paasinnilluarlutillu piguit
pissutsit ingerlalluaqqilersinnaapput. Taava asannilersooqatigiinnerit maajimi
juunimilu annertusiartussapput, piffissaalluarlunilu aappallu asaqatigiillusi feriarnissassinnut.
Kisimiittuuit sulilu iluatsitsinak? Maaji, juuni, oktobari decembarilu asanninnermik
ataavartumik ujaasiffigissallugit pitsaanerpaassapput, ingammik
oqimaalutaavimmeersumik imaluunniit pisissaartumeersumik aappartaassaguit.
Suliffik
Januaarip aallaqqaataanniit juunip
qulingiluaata tungaanut imminut tatiginerulerlutillu
isumalluarnerulersinnaavutit, ingammik nammineq suliniutitit eqqarsaatigalugit.
Tamatuma kingorna juunip qulinganit aningaasaqarneq iluanaarnerlu imminnut
atassuteqarput, taamaattumik naatsorsuutigiuk aningaaserivimmi aningaasaativit
amerlinissaat, tassa akissarsiavit amerlinerisigut, bonusisinikkut, tunissutisinikkut
imaluunniit immikkut suliaqarnikkut. Ingerlalluarneq
sunaluunniit taamaaginnartanngimmat, aningaasanik atuinerup silatusaartumik
aqunneratigut aamma missingersuutit atuinerlu sakkortuumik aqunnerisigut killilersimaarsinnaavat.
Peqqissuseq inooriaaserlu
Suliffinni angerlarsimaffinnilu
sakkortuumik pisoqarnissaa marsimi septembarimilu ilimagisinnaavat, tassa
atorfinni angisuumik allannguinnut imaluunniit angerlarsimaffinni
allannguininnut atatillugu. Taamaattumik piareersarit pissanganartumut
allanngorarfiusussamut isikkorissutsit, inuttut inuunerit qanigisannullu
attaveqarnerit eqqarsaatigalugit! Inuit allat qanoq eqqarsaatigineraatit
ernumagissanngilat – kinaanerit eqqortoq oqaatigigaangakku nutaamillu
periaaseqarlutit iliuuseqaraangavit ilumoortumik illiunissannut
piffissanngorpoq.
Peqquk (22.06 – 22.07)
Asanninneq
Aqqutaani pitsaanngitsunik
pisoqartarnissaa naatsorsuutigiuk, ingammik sulisaruit imaluunniit aappannik
angalaqateqarninni. Aappaqanngikkuit marsimi apriilimilu internetikkut
aappassarsiortarfimmut ilaasortanngoqinak. Tamatumunnga taarsiullugu naammagittarniarit
utaqqillutillu. Maaji, juuni oktobarilu asannilersoornissamut, assammiortaarnissamut
katinnissamulluunniit pitsaanerpaassapput. Eqqaamajuk novembarip 19-iannit
30-ata tungaanut attaveqaqateqarluarsinnaanerit pitsanngorsassagakku.
Suliffik
Suliassat ilungersunartut tamaasa,
suliassatut piumasarineqartut, suliarilluarnissaat qulakkeeruk, taamaalillutit kingusinnerusukkut
tamanna iluaqutigalugulu iluanaarutigissagakku. 2025-mut oqaatsit najoqqutarisatit imaapput:
„Piareersarneq + periarfissaqarneq = iluatsitsineq.“ Juulip 18-ianniit aggustip
11-ata tungaanut aningaasanut tunngatillugu naammagittarlutillu eqiasuitsuugit.
Aningaasarsiornikkut ineriartortitsinissamut ingerlatannullu
aalajangiussinissannut, piffissaq pitsaanerpaaq tassaavoq aggustip 26-annit
septembarip 18-iannut.
Peqqissuseq inooriaaserlu
Januaarip aallaqqaataanniit juunip
qulingiluaata tungaanut pillualersinnaavutit, naak angerlarsimaffinni
eqqissisimallutit eqqarsaqqissaartarlutillu qasuersaaraluarlutit. Ukiup affaata
aappaani qasuersaartariaqarputit, tamannalu nukissaqarnerulissutigissavat
inuunerissaarnerulissallutillu – aamma anguniakkannik aallussilluarnerunissamut
piumassuseqarnerunissamut. Septembari, oktobari decembarilu pitsaanerpaassapput
nutaamik soqutiginartumillu suliffittaarnissamut, angisuumik
isumaqatigiissuteqarnissamut, sumiiffimmut immikkut ittumut angalanissamut
takorluukkanilluunniit piviusunngortitsinissamut.
Løveq (23.07 – 22.08)
Asanninneq
Kisimiittuuguit marsip 30-annit
apriilip arfineq-aappaannut internetikkut aappassarsiortarfimmut ilaasortanngornissamut, ajuutigisamik siullermik
naapitseqqaarnissamut, katikkumasumut akuersinissamut, imaluunniit
katinnissamut piffissaavoq pitsaanngitsoq. Maaji aamma septembari aappassannik
ujaasinissamut asanninnerullu nalliuttorsiutiginissaanut piffissaalluarput.
Pissuserineqartussat nuannersut saqqummiunnissaat tunuarsimaarutigissanngilat.
Imminut asanngikkuit ataqqinngikkuillu sooq allat taamaaliussappat? Aappaqaruit
maaji juunilu nuannernerusumik, takorluuisinnaanerulluni misigisassarsiornerullunilu
aappariinnissamut piffissaalluarput.
Suliffik
Aningaasaqarnikkut
ingerlallualernerit ingerlanerliornerillu naatsorsuutigikkit, tamannalu
aningaasaateqarninnut sunniuteqassaaq. Pingaartumik marsimi apriilimilu pissutsit
aningaasaqarninnut sunniuteqassapput, taamanikkussamut aningaaserivimmi kontonniittut
tatineqarumaarput. Taamaattumik pilersaarusiorluarit ukioq mannalu
annikitsuinnarmik atuinissamut piareersarlutit. Aningaasaqarnikkut
aallarteqqinnissamut piffissaalluarnerpaavoq septembarip 21-at 22-allu.
Peqqissuseq
inooriaaserlu
Qitsuttut illup
qaliata qaavani kiattumiittutut misigisimavit? 2025-mi toqqissiveqanngitsutut
misigisimassaatit, angalarusussutsivillu nunanut allanut angalarusulersissavaatit.
Nunanut allaniittunut ungasissunut angalanissamut maaji juunilu pitsaanerussapput,
marsimili sulinngiffeqarniarnerit suliffimmullu atatillugu pingaarutilimmik
angalaniarnerit pinaveersaartariaqarpatit. Taamaattumik pimoorullugu imminut
ima aperisariaqarpugut: “Siunissaq ungasinnerusoq eqqarsaatigalugu sunik
anguniagaqarpunga?”
Niviarsiaq (23.08 – 22.09)
Asanninneq
2025-mi inuttut nammineersinnaanerup
aamma attaveqatigiilluarnermik aqutsinerup, inuttut killiliussat aamma
avitseqatigiinnerup, tunniussinerup tigusinermilu oqimaaqatigiissaarinerup
akornanniinnissaa pineqarpoq. Internetikkut aappassarsiortarfisassimmut
ilanngunnissamut, ajuutigisamik naapitseqqaarnissamut, asannilersoornissamut
imaluunniit katinnissamut piffissaalluarnerpaapput juunip qiteqqunneraniit
juulip qiteqqunneranut aamma septembarimi oktobarimilu. Piffissarlu tamakkununnga
ajornerpaaq tassaavoq marsip 15-iannit apriilip 7-iannut. Aappariikkussi
2025-mi aappariinnersi soqutiginarnerulissaaq. Nutaanik misisassarsiornissinni,
immissinnut ilinniarfigeqatigiilluarsinnaavusi.
Suliffik
Suliffinni qaammat iluatsitsiffiunerpaasussaq
tassaavoq maaji, piffissami tassani periarfissat amerlasuut
periarfissiissapput, ingammik suliffinnut, suleqatinnut sullitannullu
tunngatillugu. Aggustimi tassanngaannartumik aningaasatigut patajaatsumik periarfissaqarlualersinnaavutit.
Piareersimanissat isumagiinnaruk, iluanaarnissamut piumassuseqarlutit
periarfissallu atorluarnissaanut piareersimallutit. Aningaasaqarnikkut
nalorninartorsiorfiusumi niviarsiaq aningaasaqarnerminut tamakkiisumik
isiginnissinnaassuseqarnermigut isummamigut eqqississaaq sipaarniarluni atuinermigut,
ileqqaarnikkut piujuartitsisumillu inooriaaseqarnermigut.
Peqqissuseq inooriaaserlu
Qaammatit angalaffiulluarnerpaasussat
tassaapput maaji, juuni decembarilu. Ingammik sumiiffiit pinngortitami itisiliiffigisinnaasatit,
peqqinnartunik nerisaqarfiusut silamilu sammisassarpassuaqarfiusut (soorlu peqqissarfiusartut)
kajungernartuupput. Aappariinnissinnut atatillugu, sullivinnut inooriaatsimullu
toqqakkannut tunngasuni kukkunissat ernummatigissanngilat! “Periarfissaq eqqoqqissaartoq”
utaqqiinnarukku, “periarfissaq eqqoqqissaangajattoq’ qaangiutiinnassaaq.
Oqimaalutaavik (23.09 – 22.10)
Asanninneq
Ajornartorsiutip atuuttup
ajornerulernissaa imaluunniit nutaamik aaqqiagiinngissuteqalernissaq
ilimagikkit. Taamaattumik marsimi asanninnermut tunngasunik angisuunik
iliuuseqarnaveersaarit, soorlu katikkumallutit, katillutit
averuserlutillunniit. Kisimiittuuguit marsimi ajuutigisannik naapitsinissat
tamarmik pakatsinarsinnaapput, immaqalu aapparilersinnaasannik naapitsinissat
sioqqullugu arlaleriarlutit kunitaqaqqaarlutit aappassat eqqortoq
nassaarisinnaassavat! Aappaqaruit maaji, septembari oktobarilu aappallu
sapaatip akunnerata naanerani angalaqatigiilaarnissamut imaluunniit
sivikitsumik feeriarnissamut nuannersuussapput.
Suliffik
2025-p ingerlanerani pilluarnerup
guutianit suleqatit, sullitat, ilinniartitsisut, sakitit nunamiluunniit
allamioq aqqutigalugit kasuttorfigisinnaavaatit. Taamaattumik eqqumaqqissaartariaqarputit,
ingammik januaarip aallaqqaataanniit juulip arfineq-aappaata tungaanut,
ilimaginngisannimmi aningaasatigut periarfissaqalersinnaagavit. Kisianni
novembarip 19-iannit 30-ata tungaanut aningaasanut tunngatillugu
mianersornerussaatit, oqimaalutaaviillu silatusaartut piffissami tamatumani
taarsigassarsinaveersaartariaqarput, isumaqatigiissutinik pingaarutilinnik
atsiornaveersaartariaqarlutik annertuunillu pisinaveersaartariaqarlutik
(assersuutigalugu illumik biilimilluunniit).
Peqqissuseq inooriaaserlu
Ukioq ilinniagaqarfigissallugu
pitsaassuussaaq, eqqarsartaatsit annertusineqassalluni, nunat allat
misissorneqassallutik, allatullu iliuuseqarsinnaaneq misilinneqassalluni.
Nutaanik ilinniarit imaluunniit takorloortuaannarsimasannut angalagit.
Taamaattorli novembarip qulingata 19-iatalu akornanni angerlarsimaniarsarigit
aamma aalajangersimasumik yogartarnikkut, eqqarsaqqissaartarnikkut
eqqissisimaarnikkullu qamuuna oqimaaqatigiissitsinerit attatiinnarlugu.
Skorpioni (23.10 – 22.11)
Asanninneq
Oqqattarnissat asaqatigiinnissinnik aalassatsitsisussat
piareersimaffigikkit.
Skorpionit aappallit marsip 27-ata apriilillu 13-iata akornanni
aappariittut aaqqiagiinngissuteqarsinnaapput, ajornartorsiut pakatsinartoq
qulaajarneqartussaammat. Isumaqatigiinngissutip aaqqinnissaanut naaperiarfissarsiornissaq
aqqutissaavoq. Aappaqanngitsuuguit
aapparilerusutat nassaaritinnagu arlaleriarluni ajorluinnartumik pisoqarnissaa
naatsorsuutigisinnaassavat. Tunniutiinnaqinalli – ajuutigisannik naapitsinitit
pakatsinartut tamarmik aappaqalernissannut qanilliallatsitsisarput.
Suliffik
Januaarip aallaqqaataannit juunip qulingiluaata tungaanut angisuumik tunissuteqarfigineqarsinnaavutit,
iluatsitsinissamut periarfissaqalersinnaallutit aningaasatigulluunniit pissarsiaqarsinnaallutit.
siumukaffigineqarlutit. Suliffinni pingaarutilimmik aalajangiisoqartussanngorpat,
aggustip 12-iannit 30-ata tungaanut qamuuna misigissutsitit tusarnaakkit. Taakku
eqqortumik tikkuussissapput. Ikinngutigiinneq, iluanaaruteqarneq, angalanerit niuernerlu
imminnut attuumassuteqartut septembarimi, oktobarimi decembarimilu misigissavat.
Taamaattumik suliniutinik neriulluarnartunik aallartitsinissamut
siuarsaanissamullu piffissaalluarpoq, ingammik ikinngutit imaluunniit
niuernikkut suleqatigisat peqatigalugu.
Peqqissuseq inooriaaserlu
Timikkut, eqqarsartaatsikkut anersaakkullu peqqissuunerit 2025-mi
pingaarnerutinneqassapput. Ulluinnarni nerisartakkatit nutarteriffigigukkit,
sungiusartarnitit nutaamik allanngortikkukkit, aalajangersimasumillu qasuersaartaruit
eqqarsaqqissaartarlutillu, tamanna pitsaanerpaamik kinguneqassaaq. Marsilli
15-iata 30-atalu akornanni ulapputissaqarluarputit, skorpionimmi silatuut pingaarutilimmik siunnerfeqartumillu anguniakkaminnik iluatsittumik
siunissamut sivisuumut atuuttussamik iliuuseqassammata.
Pisissaartoq (23.11 – 21.12)
Asanninneq
Aappaqaruit sapaatip akunnerata
naanerani angalaarnissarsi imaluunniit sivisunerusumik feeriarnissarsi
pilersaarusioruk, immaqalu taassuma kissaatigisaatut sumiiffimmut allamut, asaqatigiiffiusussamut
misigisassarsiorfiusussamulluunniit pilersaarusiorlutit. Aappaqanngitsuuguit
iluatsitsisimanngitsoq, inuk nalinginnaasumik nuannarisartakkannit allaanerulluinnartoq
soqutigilluinnalikkat maluginiaruk, pingaartumik marsimi aggustillu naanerani
nuannaalersitsisussaq. Angalatillutit nunamit kulturimillu allameersumik aamma asannilersoorsinnaavutit.
Suliffik
Ukiortaami akikitsunik neqeroorutinut
aningaasanik atuivallaarnissat mianersuutigiuk aamma kingusinnerusukkut
peqqissimissutigisassannik eqqarsaatigeqqaarnagit akisuunik
pisiaqarnaveersaarit. Aningaasaqarneq iluanaarnissarlu juunip 10-anniit
siunissamut ataqatigiissapput,
taamaattumik kontonni aningaasaateqarnerulissaatit, tassa ningaasarsiavit
qaffannerisigut, bonusisinikkut, nutaamik pitsaanerusumillu suliffeqalernikkut, soraarnerussutisiaqalernikkut imaluunniit
niuernikkut immikkut isumaqatigiissuteqarnikkut. qilanaariuk. Kisianni
novembarip 10-anniit 19-iannut akiligassat takkuttut aamma sapaatip akunneranut
missingersuutitit eqqumaffigikkit.
Peqqissuseq inooriaaserlu
Suliffimmi nutaami sulileruit,
sullivinni qaffatsinneqaruit imaluunniit najugaqariaatsinnik
allanngortitsiguit, sulineq aamma angerlarsimaffik pingaarnerpaassapput.
Marsimi immaqa ikinngut nutaaq
nuannersoq silarsuannut tikilluaqqusinnaassavat. Taamaattorli akisuumik feeriarnissannut imaluunniit
suliffimmut atatillugu angalanissannut piffissaanngilaq. Taamaalioruit
paatsiveerunnerit, kinguaattoornerit akornusersuinerillu aqqutaani
ilimagisariaqarpatit. Nunanut allanut angalanissanut maaji, juuni oktobarilu pitsaanerpaassapput.
Savaasaq (22.12 – 19.01)
Asanninneq
Januaarip aallaqqaataanit februaarip
23-ata tungaanut pissutsit aaqqinniarlugit isumaqatigiinniarsinnaanermut
pikkorissoqartariaqarpoq, ingammik asanninneq tunulliullugu suliffinnik
salliutitsisimaguit. Kisimiittuuguit internetikkut aappassarsiortarfinni
januaarimi februaarimilu susoqarpiannginnissaa naatsorsuutigiuk,
taamanikkussamummi asannilersoorfiusinnaasut ilimanannginnerussammata.
Qujanartumilli juunip qulinganniit ukiup sinneranut susoqarfiullualissaaq,
taamaattumik 2025-p affaani kingullermi aappassarsiortarfimmut ilaasortanngornissannut,
asannilersoornissannut, assammiortaarnissannut, katinnissannut imaluunniit katikkavit
neriorsuutivit nutarternissaannut piffissaalluarpoq.
Suliffik
Aningaasaqarninnut tunngatillugu nutaarsiassatsialaqarpoq,
aningaasaliinerit, soraarnerussutisiaqalernerit, akileraarutit
aningaasaqarnikkullu suleqatigiinnerit eqqarsaatigalugit — akissaqarluartillutit
isumatusaartuuguit erinitsajuillutillu siunissaq ungasinnerusoq
eqqarsaatigalugu pilersaarusioruit. Juulip 18-iata aggustillu aqqarnata
akornanni aningaasanik atorniarnaveersaarit. Aggustip qiteqqunneranit
naaneranut iluatsitsinerpaasinnaavutit, tamatumani suleqatinnit, sullitannit
ilaquttannilluunniit aningaasatigut iluaquserneqarsinnaagavit.
Peqqissuseq inooriaaserlu
Angerlarsimaffiit iluarsaanneqassaaq,
nammineerlutit suliarisinnaavat sanasunuullunniit suliaritillugu,
atortorissaarutimmi aserfallakkiartortarmata aserfallatsaaliorneqartariaqarput.
Iluarsaassinerit aserfallatsaaliinerillu aallartinnissaannut marsip
naalernerani piffissaalluarpoq, piffissamilu tamatumani Savaasat ilaat nuukkusussapput,
nunaminertamik illusiortarlutik pisillutik nutaamilluunniit illuliorlutik. Aamma aningaasatigut ilaquttannut immikkut
pisussaaffeqalernissat naatsorsuutigiuk, meeqqannut, ernuttannut ilaquttannulluunniit
utoqqalisunut tunngassuteqarsinnaasunik. Juuni septembarilu angalaffissatut
pitsaanerpaassaapput.
Immitsisoq (20.01 – 18.02)
Asanninneq
Aappaqaruit aappat maajimi juunimilu isumagilluarnerusinnaavat.
Taamaattumik nuannersumik pissanganartumik asannilersoornartumillu
pilersaarusiorit! Kisimiittuarnissalli nuannisaqatigiinnerullu
oqimaaqatigiissaarnissaat ajornakusoortissavatit juulip 18-ianniit aggustip
11-ata tungaanut. Aappaqanngikkuit juulip 7-ianniit novembarip 8-ata tungaanut
qularnanngitsumik Asanninnerup qarsuanit tassanngaannartumik eqqorneqassaatit. Taamaattumik
– utaqqitillutit – erinitsajuinnaveersaarit pitsaanerpaallu tullia
naammagiinnarlugu.
Suliffik
Piffissaq januaarip aallaqqaataanniit juunip 19-iata tungaanut aktianik
imaluunniit illunik tuniniaanissamut, unammisitsinernut peqataanissamut,
lottomi eqquiniutinik pisinissamut, aningaasanoornermi eqquinissamut
imaluunniit iluanaaruteqarluarnartumik sulinimmik aallartitsinissamut
piffissaalluarpoq. Aningaasaqarnikkut tatineqarnerit milliartortoq maajip
25-annit septembarip aallaqqaataata tungaanut malugisinnaassavat. Marsilli
30-annit apriilip arfineq-
aappaannut aningaasaqarninnut pingaarutilinnik, soorlu atorniarlutit
qinnuteqaateqarnissat isumaqatigiissummilluunniit atsiugaqarnissat
pinaveersaakkit.
Peqqissuseq inooriaaserlu
Nutaamik allartitsinissamut qamuunalu allannguinissamut
piareersimasariaqarputit. Isikkuit allanngortinnissaanut iliuuseqarnissannut
2025 piffissaalluassaaq, timit eqqarsaatigisariaqarpat, misigissutsikkut
anersaakkullu qanoq innerlutit misissortariaqarpat, pisoqqat piiarlugit nutaallu
sanarfeqqillugit. Juunip qulinganniit ukiup sinneranut peqqissutsimut,
suliffimmut pissutsinik sullivimmmilu nuannarinninermut tunngasunik nutaarsiassat
nuannersut takkutissapput. Taamaalillutit inunnit pitsaasunit
soqutigineqalissaatit nutaanillu ikinngutitaarlutit.
Aalisakkat (19.02 – 20.03)
Asanninneq
2025-mi asanninnerup aalajaatsuunnginnissaa naatsorsuutigiuk. Aappariilluarussi
toqqissisimasutut misigisinnaavutit, aappariilluanngikkussili ajornartorsiulersinnaavusi
imaluunniit aappariinnissinni avissaarsinnaallusi. Aappariinnersi soqutiginartuutinniarlugu
misigisassanik pissanganartunik misileraagit. Aappaqanngikkuit
iluatsitsisimanngitsoq juunimi, juulip aallartinnerani oktobarimilu aappassannik
naapitsinissannut piffissaalluarnerussapput. Ingammik skorpionit peqquillu
alapernaaserfigikkit!
Suliffik
Aningaasaqarneq 2025-mi pingaaruteqarluinnassaaq. Aningaasaqarnikkut
aaqqissuussinermut, akisussaassuseqarnermut sipaarniarnissamullu tunngasunik
pingaarutilinnik ilinniartinneqarumaarputit. Aningaasanik
missingersuusiornissamut, ileqqaagassanik kontotaarnissamut, illusinissamut
imaluunniit aktianik niuernissamut, maajip aallaqqaataannit juunip tallimaannut
piffissaalluarnerpaavoq. Qaammatit ajornerpaat tassaapput marsi apriililu. Illusinissamut
tunisinissamulluunniit ukioq manna neriulluarnartuuvoq, immaqalu ilaquttat
ikinngutilluunniit qanigisat aqqutigalugit iluatsitsilluarsinnaavutit.
Peqqissuseq inooriaaserlu
Juulip 18-ianniit aggustip 11-ata tungaanut nalinginnaasumit qasoqqanerullutit
nukissaqarnallu misigisinnaavutit. Piumassuseqaruit piffissami tamatumani
nutaanik ilikkagaqassaatit, peqqinnartunik nerisassallutit, nukissanik sipaassallutit
sininnerullutillu. Aggustip aqqaneq-aappaanit ukiup sinneranut
nuannisarluarnissamut piffissaassaaq, ilaquttatit ikinngutitillu peqatigalugit
tikitassanik nutaanik misissuininni. Tamanna nuannaarutigiuk!
©
Joanne Madeline Moore, Knight Features & Keesing.com
