Aanaa Guutilu aternut isumassarsisitsisuupput
Aanaa, biibili kulturilu nuannarineqartoq aallaaviusarput Danmarkimi meeqqat atserneqassagaangata. Emma, Freja, Ida, Lucas, Oliver aamma Emil 2008-mi aterni nuannarineqarnersaapput.
Nukappiaqqat atserneqassagaangata aqqit soorlu Lucas, Oliver aamma Emil nuannarineqarnersaasarput.
Tamanna takuneqarsinnaavoq Danmarks Statistikkip 2008-mi inunngorsimasunut aternik nuannarineqarnerpaanik naatsorsuinerani nutaajunerpaami. Taamaasilluni 2008-mi nukappiaqqanit inunngortunit 1000-init 24-it Lucas-imik atserneqarsimapput, niviarsiaqqanilu 1000-init 25-inut Emma atsiunneqarsimavoq nuannarineqarnerpaalluni.
Aqqit Lucas aamma Emma takutitsipput ilaqutariinni inunngorlaaq kuisinneqassagaangat angajoqqaat sumi isumassarsiortarnerannut. Taamatut isumaqarpoq aternik ilisimatooq Rikke Steenholdt Olesen, Københavns Universitetimeersoq.
- Atertut mutitut taasarpaavut. Aqqit aalajangersimasut sunapinerpoq pissutigalugu nuannarineqartut. Pissutaasinnaavoq tusagassiorfiit aqqutigalugit imaluunniit kinguaariinni aannaqqiikkunni/aataqqiikkunni isumassarsiorneq pissutigalugu, tamatumunngalu Emma takussutissaavoq. Nukappiaqqanut atatillugu aqqit biibilimeersut arlaliupput, tamatumunngalu Lucas takussutissaavoq, Rikke Steenholdt Olesen oqarpoq.
Aternut atorneqarnerpaanut 50-inut allatttorsimaffimmi 2008-mi aqqit nutaarluinnaat aamma ilaalersimapput. Nukappiaqqat eqqarsaatigalugit nuannarineqarnerpaanut 50-inut ilaalersimapput Tristan, Sander asamma Johan. Akerlianik aqqit soorlu Adam, Hjalte aamma Anders 2007-imiilli nuannarineqarnerpaat 50-it allattorsimaffiannit peerluinnarsimapput.
Niviarsiaqqanut atatillugu Emma, Freja aamma Ids 2008-mi aterni nuannarineqarsinnaapput. Aamma mutinngorsimapput Ella aamma Celina. Taamaasilluni Ella nuannarineqarnerni 12-nik siuariarluni nr. 40-unngorsimavoq, Celina 2007-imi nr. 57-inngorsimariarluni nr. 45-unngorpoq.
Kiisalu niviarsiaqqat aqqini 2008-mi nuannarineqarnerpaat 50-it allattorsimaffiannit Filippa, Sille aamma Mia peerussimapput. Rikke Steenholdt Olsenip maluginiarpaa niviarsiaqqat aqqi nuannarineqarnerpaat ersiummik naggateqartartut, tamatumunngalu pissutaasinnaavoq angajoqqaat isumaqarmata ateq arnarpalunnerusoq.
Angajoqqaat atermik nailssaqanngissorisaminnik nassaarniartarialuarlutik taamatut eqqarsartuni kisimiineq ajorput, Rikke Steenholdt Olesen itisiliivoq.
- Ilisimanngisamik mutinngortitsisoqartarpoq. Takorloorneqartrpoq qitornaq immikkut illuinnartumik atserlugu. Takuneqakulasarporli taamaattoqarneq ajortoq. Angajoqqaammi allarpassuiit ateq taanna nalissaqanngitsutut isigisarpaat, taanna oqarpoq.
Aqqit kaaviiaartutut ittarput. Aqqit, ullumikkut atussallugit eqqarsaatigiuminaatsut ukiut qulit 20-illuunniit qaangiuppta nuannarineqarlualersinnaapput. Taamaattumik Rikke Steenholdt Olesenip aqqit soorlu Poul, Erik, Kirsten aamma Birgit uteqqinnissaat ilimagaa.
. Angajoqqaat ullumi immaqa isumaqarput aqqit soorlu Kirsten aamma Poul angajoqqaat aqqisa pikkunaatsut ilgigaat. Kinguaariilli tulliisa aaqqit tamakkorpiaat kusanartutut isigilersinnaavaat. Taamaattumik ukiut qulit 20-illuunniit qaangiuppata nukappiaqqat aqqi naatsu nuannarineqalissappta Poul akornanniittussatut ilimanarluinnarpoq, taanna itisiliivoq.
Tamanna nunatsinni aamma atugaalissanersoq oqaatigiuminaappoq, aterpassuilli maanna Danmarkimi mutinngorsimasut Kalaallit Nunaanni nalinginnaasorujussuupput.