Aarhusimi kaffe naalagiaqatigiinnerlu
Pisarneq naapertorlugu Aarhus Rådhus kaffisortitsissaaq. 51-issaanik kaffisortitsineq palmit sapaataanni ingerlanneqassaaq
Aarhus Kommune ukioq manna aammaarluni Palmit sapaataanni kaffisortitsissaaq. Tamanna nalunaaqqutaq 14.30 ingerlanneqassaaq - Vor Frue Kirkemi kalaallisut naalagiaqatigiinnerup kingorna ingerlassalluni.
Naatsorsuutigineqarpoq meeqqat, inuussuttut aamma utoqqaanerit Kalaallit peqatigiiffiannit Kajak takkussuutissasut. Kajak Danmarkimi kalaallit peqatigiiffiinit sivisunerpaamik atuunnikuuvoq.
Borgmester Jacob Bundsgaard, nammineerluni aaqqissuuseqataasalerpoq Kalaallit Nunaannik aamma Aarhus Kommunip illoqarfittut ikingutaanik juunimi 2012 tikeraareernermi kingornaa.
- Kalaallit Nunaanni tikitseqqaarneq misigisaavoq puigugallagassaanngitsoq pingaartumik Qaqortumi ilassineqarnerput eqqaallugu. Qilanaarisorujussuuara attaveqatigiinnerup pitsaasup uppernarsillugillusooq kalaallit peqatigiiffiata Kajakip Aarhusimi kalaallinut ukiorpassuarni sullissinera nersualaarutigissallugu - tamatumalu kingorna kaffisortitsineq ukiup ingerlanerani ileqquuvoq nuannersoq.