AllStars Aalborgimi qiimmattaatigaat
Aalborgimi Kalaallit Peqatigiiffiata Ikinngutigiit upernaarsiortitsinera suli nuannernerullunilu pissanganarnerulerpoq nereqatigiinnerup kingorna tallimanngornikkut aallakaatinneqartartoq AllStars malinnaaffigineqarmat.
Annonse
Mobiltelefuuni taasinissamut piareersimatinneqarput. Utoqqaanerusut ilaasa sms-ersersinnaannginnamik mobilitik inuusunnerusunut isumagitippaat. Taasinerlu aallartimmat ilaat illuttut mobililerlutik ulappupput, kulluminnik Kor b-mi toortaallutik.
– Utaqqineq pissanganaqaaq immaqalu tamatta Julie, Niarn Johnson AllStarsikkutuulli pissangatigaagut, Julie AllStarsikkullu suli tamarmiullutik ingerlaqqittussaasut paasigatsigit tamatta nikussaalluta talligullu quleralugit nuannappugut, Rimdahl Th. Høegh upernaarsiornermi peqataasimasoq unnersiorpoq.