Andala ukiorpassuit ingerlariarpoq
Nuka K. Godtfredsenip Kalaallit Nunaata oqaluttuarisaanerani alloriaqqippoq.
Titartaasartoq Nuka K. Godtfredsen Kalaallit Nunaata oqaluttuarisaanerani alloriaqqippoq, taassumalu ukiunik 3.600-k pissitsippaa.
Nuka K. Godtfredsenip titartakkanik nangeqattaartuliaq »Tutineq siulleq« naammasseqqammerpaa, tassani oqaluttuarineqarput ukiut 4.500 matuma siornatigut Kalaallit Nunaannut nunasisut siulliit.
Titartakkanik nangeqattaartuliaq Sermitsiami ilanngunneqartarsimasoq, ungasinngitsukkut katiterlugu atuaganngorlugu saqqummersinneqassaaq.
Kalaallit Nunaata oqaluttuarisaanerani nangeqattaartumi tulliuttoq 1100-kkunni pisimasuutinneqassaaq.
Titartakkanik nangeqattaartuliami katillugit atuakkat sisamaasussani, immikkoortumi siullermisut Nuka K. Godtfresenip SILA-mi – Københavnimi Nationalmuseets Center for Grønlandsforskning-imi – itsarnisarsiuut suleqatigai.
SILA-mi suliniutit tunngavigalugit ilisimatusarnermik ingerlatsisup Martin Appeltip Kalaallit Nunaata oqaluttuassartaata tullia allappaa.
– Atuartartutta titartakkanik nangeqattaartoq »Tutineq siulleq« nuannarisorujussuusimavaat, aaqqissuisoq Poul Krarup oqarpoq, taamaattumillu Kalaallit Nunaata oqaluttuarisaanera pillugu Nuka K. Godtfredsenip titartakkanik nangeqattaartuliaa tulleq aamma Sermitsiami ilanngunneqartassaaq.
Saqqummersitassami tullermi suna oqaluttuarineqarniarnersoq Sermitsiaq normu 34-mi atuaruk.