Anguti aamma Juliette takuteqqaarneqarpoq
Shakespeare-p klassikeria pissanganartoq arfininngormat ASK-imi 10.H-mi atuartunit isiginnaartitsissutigineqarpoq. Assilisat takukkit.
Angajoqqaat, ilaquttat ikinngutillu 150-it sinnillit neriulluartut arfininngormat unnukkut isiginnaariarput, »Romeo og Julie« Nuummi 2009-mi pisuusaartunngorlugu nutartigaq pillugu sapaatip akunnerini arlalinni ilungesortumik sungiusarsimanerup inernera isiginnaarniarlugu.
Atuarfik Samuel Kleinschmidtip ASK-ip inersua Valentine Day malunnartinniarlugu uummataasanik sumi tamaani pinnersarneqarsimavoq. Ulloq William Shakespeare-p alianartuliaanut romantiskiusumut naleqquttoq.
Isiginnaarianut ilaapput Danmarkimi amerikamiut aallartitaqarfianit aallartitat, taakku suliniummut 15.000 koruunit missaanniittunik tapissuteqarsimapput. Isiginnaartitsissummik suniliummut aallartitsisuusoq Charles Kinney, Kalaallit Nunaanni ukiuni kingullerni marlunni assigiinngitsuni tuluttut ilinniartitsisuusoq, english Language Fellow-imi, ELF-imi.
»Anguti and Juliette« takuteqqarnerani assut takukkit uani .