Ukiut sisamaasa affaata matuma siornagut anorersuarujussuarmat Annaassisitta Oqaluffiata napasuliaani kanngussammik qallersaatip qaava angisuumik putusimavoq. Putunera krydsfinérimik qallerneqarsimavoq, taannalu kanngussattut qalipaateqarluni, naalagiartartullu ikittuinnaat anorersuarneranit ajoqusernera maluginiarsimassavaat.
Nunatsinni oqaluffiit aserfallatsaaliorneqakulasarput, Annaassisittalu Oqaluffia maanna aserfallatsaalineqartussanngorluni. Najukkami sanasut qaava nutarterpaat, aamma suliffeqarfik qillertoqqeriffik Genner Blik Rødekromi Sønderjyllandimiittoq oqaluffiup qaavanut kanngussammik qallersaammik nutaamik ikkussuivoq. Suliffeqarfiup qalialerisartup Jyllandip Kujataani Rødekromi Genner Blik-imeersup oqaluffiup napasuliaa kanngussammik nutaamik qallerpaa. Suliarineqarnerata nalaani napasuliaa oqaluffiup saavanut inissinneqarsimavoq.
Ukiut sisamaasa affaata matuma siornagut anorersuarujussuarmat Annaassisitta Oqaluffiata napasuliaani kanngussammik qallersaatip qaava angisuumik putusimavoq. Putunera krydsfinérimik qallerneqarsimavoq, taannalu kanngussattut qalipaateqarluni, naalagiartartullu ikittuinnaat anorersuarneranit ajoqusernera maluginiarsimassavaat.
Nunatsinni oqaluffiit aserfallatsaaliorneqakulasarput, Annaassisittalu Oqaluffia maanna aserfallatsaalineqartussanngorluni. Najukkami sanasut qaava nutarterpaat, aamma suliffeqarfik qillertoqqeriffik Genner Blik Rødekromi Sønderjyllandimiittoq oqaluffiup qaavanut kanngussammik qallersaammik nutaamik ikkussuivoq. Suliffeqarfiup qalialerisartup Jyllandip Kujataani Rødekromi Genner Blik-imeersup oqaluffiup napasuliaa kanngussammik nutaamik qallerpaa. Suliarineqarnerata nalaani napasuliaa oqaluffiup saavanut inissinneqarsimavoq.
Suliffeqarfiup piginnittaata Lars B. Schmidtip oqaatigaa, Genner Blik ukiut 15-it sinnerlugit kanngussammik, zinkimik aamma qisuit atorlugit napasulianik qallersaammik ikkussuinermik immikkut ilisimasaqalersimasoq.
– Oqaluffiup napasuliaanut kanngussammik qallersaammik nutaamik ikkussinissaq suliassaq soqutiginartuuvoq, pineqartormi Kalaallit Nunaata oqaluttuarisaaneranut qitiusumik inissisimammat, Lars B. Schmidt Sermitsiamut oqarpoq.
Qillertoqqerisoq Lars B. Schmidt
kanngussammut kigartukkamik atimik
ulluliillunilu oqaluffiup napasuliaanut
inissiivoq.
Foto: Sermitsiaq
Nutarterinerup nalaani oqaluffik matoqqatinneqarpoq, oqaluffimmilu pisussat Hans Egedep Oqaluffiani isumagineqarlutik.
Siunissami nassaartussanut inuulluaqqussut
Annaassisitta Oqaluffia 1849-mi apriilip arfernanni atoqqaarfissiorneqarpoq, oqaluffillu qaammatit arlaqanngitsut matuma siornagut ukiut 175-inngortorsiorluni nalliuttorsiormat, nalliuttorsiutigalugu naalagiaqatigiittoqarluni.
Oqaluffik, Karen Ørsteds legatimit aningaasaliiffigineqarluni sananeqartoq, aallaqqaammut uanitsutut ilusilimmik napasuliaqarpoq, Nuulli 1928-mi ukiunik 200-nngortorsiorluni nalliuttorsiormat pyramidetut ilusilimmik napasuliaqalerluni.
Napasuliap 6 meterisut portutigisup nuuani anorisaateqarpoq ammaloqisaaqarlunilu, tassaniitinneqarlutillu siornatigut aserfallatsaaliisoqartarneranit allagarineqartartut, aammami biskop Paneeraq S. Munck siunissami nassaartussanut napasuliami nutarterneqaqqammersumi inuulluaqqussummik allagaqarpoq.
Nutarterisut aamma pisarnertut inuulluaqqussumik ilisaqarput. Lars B. Scmidt kanngussammut atimik ulluliillunilu allassimavoq napasuliamullu inissillugu.
