KL

DK

Anorip silallu nerliiviliarneq kingulleq mangiarpaa

Narsarsuarmi iikkamut qalipagaq meqqimi nutaami assiliartaavoq

»Nerliiviliarneq kingulleq« Narsarsuarmi iikkami qalipagaq.
Kurt Kristensen Tusagassiortoq
Saqqummersinneqarpoq

Islandimioq qalipaasartoq nipilersortartorlu Guðmundur R. Lúðvíksson 2011-mi illorsuarmi ukiorpassuarni Narsarsuarmi klubimut ilisimaneqarluartumut illutaasumi iikkamut marlunnik qalipaavoq.

Assilissap aappaani inuit nannullu assiliartaapput – assiliaq ullumikkut nannut illoqarfinnut, nunaqarfinnut savaateqarfinnullu qanilliartuinnarnerannik siulittuisutut ittoq.

Islandimioq qalipaasartoq nipilersortartorlu Guðmundur R. Lúðvíksson 2011-mi illorsuarmi ukiorpassuarni Narsarsuarmi klubimut ilisimaneqarluartumut illutaasumi iikkamut marlunnik qalipaavoq.

Assilissap aappaani inuit nannullu assiliartaapput – assiliaq ullumikkut nannut illoqarfinnut, nunaqarfinnut savaateqarfinnullu qanilliartuinnarnerannik siulittuisutut ittoq.

Assilissap aappa »Nerliiviliarneq kingulleq« taaguuteqarpoq, tassani Jesusi ajoqersugaalu aqqaneq marluk kalaallisut takutinneqarput.

Guðmundur R. Lúðvíksson 2011-mi Narsarsuarmi iikkami »Nerliiviliarneq kingulleq« qalipappaa.

– Leonardo da Vincip qalipagaanik tusaamasamik isumassarsiorpunga, taannalu kalaallinut tunngatillugu takutippara, Guðmundur R. Lúðvíksson Sermitsiamut oqarpoq.

Pingaarutilimmilli allaanerussuteqarpoq: Lúðvíkssonip qalipakkani pinngortitamiitippaa, Da Vincillu qalipakkani illup iluaniitippaa.

– Qalipagaq pillugu qanoq allamik oqaatigisassaqarpit?

– Aalisagaq kristumiut ilisarnaataat arfermik angisuumik, Biibilimi aamma oqaatigineqartumik taarserneqarpoq. Ajoqersukkat aqqaneq marluk tamarmik angutaapput, qalipakkannili ajoqersukkat ilaat ataaseq arnaavoq naartusoq, tassani takutinniarlugu siunissap pitsaasuunera. Immiartorfiini tamani viinneqarpoq, Jesusi kisimi viinnisunngilaq, taassumalu Qilammi tamarmik katereqqinnissaminni viinnimik imernissani ajoqersukkaminut oqaatigaa. Ullumikkut Kangiani Qiterlermi eqqissiviilliortoqarpoq, Narsarsuarmili qalipakkami sakkunik takusassaqanngilaq; tassani kalaallit piniartut piujuartitsisumik piniarnerminni atortagaat kisimik, Guðmundur R. Lúðvíksson oqarpoq.

– »Nerliiviliarneq kingulleq« qalipakkakku inuit kalaallit assilillugit qalipaavit?

– Aap, assilillugit qalipakkakka Narsarsuarmeersuupput. Aalut mittarfimmit hotelimut bussertartoq Jesusitut qalipappara.

Guðmundur R. Lúðvíksson, 1954-mi inunngortoq, Islandimi kunstakademi kingornalu Hollandimi Tysklandimilu ilinniarsimavoq. Europami nunarpassuarni saqqummersitsisarpoq – aamma nunatsinni. Eqqumiitsuliortoq ullumikkut ukiukkut Spaniami najugaqartarpoq, aasaaneranilu Islandimiittarluni.

Qalipagaq sukkasuumik asiujartorpoq

Eqqumiitsuliortutut sulilinngikkallarnermini Guðmundur R. Lúðvíksson igasutut ilinniarpoq, 2011-milu Narsarsuarmi hotelimi sulivoq.

Inuit nannullu kujataani imminnut qallipput.

»Gummikokken« sukkasuumik atipilutaaraa – iggarissusersuani pinnagu, Guðmundurilli islandmiutut Gummimik naalisarneqartarnera pillugu.

Igaffimmi sulinermi saniatigut eqqumiitsuliornermik suliaqarpoq, taakkulu Klubbip iigaani qalipakkatut inerneqarput.

Taakkuli aliatsannartunnguupput.

Amerikamiut nalaanni Airmen’s Club illorsuarmi tassaniippoq; Illorsuatsialak nipilersornernut, fiisternernut imerniartarfittullu atorneqartoq. Kingorna illorsuaq Narsarsuarmiut peqatigiiffiannit tiguneqarpoq, katersortarfittullu imerniartarfittullu atorneqarluni. Ukiut arfinillit matuma siorna siulersuisut akisussaaffitsik qimarratigaat, klubbilu matuvoq.

Ikkami qalipakkat marluk ullumikkut aserfallassimaqaat. Annaanneqassappata piaartumik iliuuseqartoqartariaqarpoq. Illorsuaq Mittarfeqarfinnit pigineqarpoq, taakkulu qalipakkat annaannissaannut akissaqannginnertik pissutigalugu qallerlugit qalipannissaat isumaliutigaat.

– Narsarsuarmiinnera nuannareqaara. Inuuninni misigisama pitsaanerpaat ilagaat. Inuit nuanneqaat pinngortitarlu oqaatigiuminaatsumik alianaappoq. Narsarsuarmut uterlunga iikkami qalipakkat marluk uannut pingaaruteqarsimaqisut iluarsaakkusuppakka, taamaaliussagumali aningaasaliisoqartariaqassaaq, Guðmundur R. Lúðvíksson oqarpoq.

»street art«-imik meqqiliat

Qalipakkat marluk annaaneqassappata eqqaassutissaqassapput.

Nunatsinni allakkerivik nalunaarasuartaaserisoqarfillu Tusass ukiuni makkunani meqqinik ataatsimut »street art«-mik qulequtaqartunik saqqummiussivoq. Maannalu saqqummersitat sisamaat anguarput, tassanilu Guðmundur R. Lúðvíkssonip Narsarsuarmi iikkamut qalipagai assiliartaapput.

Meqqimi qalipakkap ilaa Jesusip ajoqersukkaminit aqqaneq marluusunit pingasunik issiaqateqarneranik takutitsisoq assiliartaavoq. Assiliaq tamakkerlu ulloq siullermi saqqummersitami, Tasiilami ulloq 30. august qaninneqartussami takutinneqassaaq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

kultur kulturi

ATORFIIT Se alle jobs

Powered by Labrador CMS