Aqqut nuannarineqarluartoq kujasinnerusumi aasaru aqquteqalissaaq
Kangerlussuup Sisimiullu akornanni pisuttut aasaru aqqummik allamik toqqaanissaminnut periarfissaqalissapput. Arctic Circle Trail kujasinnerusumi pisuttunut aqquteqalernissaa anguniarlugu Arctic Circle Business kajumissutsimik suleqataasussanik arfinilinnik pissarsiorpoq.
Arctic Circle Trailimi aasaru pisuttussat Eqalugaarniarfik Kangerluarsuk Tullerluunniit angugunikku aqqut avannarleq aqqulluunniit kujasinnerusoq toqqarnissaannut periarfissaqalissapput. Pisuttut aqqut kujasinnerusoq toqqarnissaanut periarfissaqareeraluarput, kisianni aqqut taanna aqqutigissagunikku GPS nunalluunniit assinga atorlugu aqqut ingerlavigisariaqartarpaat, aqqut taanna nalunaarsorneqanngimmat. Aasarulu aqqutigiuminarnerulissaaq.
Najukkami kajumissutsimik sulisinnaasunik arfinilinnik pisariaqartitsisut
Arctic Circle Trailimi aqqut kujalleq 50 kilometerisut takissusillip nalunaarsornissaanut Arctic Circle Business ikiortissarsiorpoq:
- Juulip qeqqani ullut tallimat arfinillilluunniit atorlugit aqqummi nalunaarsuutit – sisoraarfissat nalunaarsuutaannut assingusut – ikkussussavagut. Pisuttut Kangerluarsuk Tulliup Eqalugaarniarfiullu akornanni ATV-nut aqqut aqqutigisarunnaarlugu, aqqut taanna atorsinnaanngussavaat, ACB ilisimatitsivoq.
Nammineq kajumissusinnik suleqataasussanut uku piumasaqaataapput:
- 15. juuli missaata nalaaninngaanniit ullut arfinillit pisinnaassaatit. Eqimattamit inaarutaasumik ullut aalajangerneqassapput.
- Timikkut qasujaatsuussaatit. Aqqut kujalleq Arctic Circle Trailimi aqqutaareersumiit unammillernarneruvoq.
- Imminut pilersortuussaatit. Tammaarsimaarnermut atortussatit atortullu allat tamaasa nammassinnaassavatit.
- Atortunillu allanik 2 kg tikillugu immikkut oqimaassusilinnik nammannissat piareersimaffigissavat. Naannerusumulli. Nalunaarsuutit aqqutip eqqaanut inissinneqarnikuupput. Taakkulu katersoneqassapput, pisunnerpullu ilutigalugu ikkussorneqarlutik.
- Pisunnissamut peqataanissannut 2024-mi martsi naatinnagu nalunaarnissannut piareersimagit.
Pisoqatigiittussat Arctic Circle Trailip aqutsisuuneranit Lisa Germanymit siuttuuffigineqassapput. Aamma US Nationalpark Servicemiit aallartitamik peqataasoqarataannaasoq, ACB allappoq.
Soqutiginnittut paasisaqarnerorusuttullu, Lisa Germany mailikkut attavigisinnaavaat: lisa@acb.gl imalt. oqarasuaatikkut 85 35 00.