Assit takukkit: Kalaallisuuliortartut arfinillit allagartartaartut
Tallimanngormat Sisimiuni Kalaallisuuliornermik Ilinniarfimmi ilinniartut arfinillit allagartartaartinneqarput
Nuilarmiut, kamiit aappaluttut tungujortullu, kamiit avittallit allapalaakkallu kiisalu assuutit nutaat ilinniarnerminni naammassisunit tulluusimaaqisunit ullumi allagartartaarnermi takutinneqarput.
Nukannguaq Mathiesen-.Fontain, Vera Lange Larsen, Marie Pituaq Kleist, Inatdliak Kaerngak, Beathe Josefsen aamma Rakel Kristensen kalaallisuuliornermik ilinniarfimmit ukiut marluk ilinniartooreerlutik naammassipput.
Marie Pituaq Kleistip assuutit nutaat nunap immallu uumasuinit amminit saarnginiillu suliaqarnissaq kissaatigaa.
-Uumasup qalipaatai innarlernagit namminneq pinnissussaat assuutiliornissanni kissaatigisimavara, kalaallisuuliornermi periutsit malillugit assuutit suliaapput, Marie Kleist oqarpoq. Nunasiaataanerup nalaani pigiliutiinnakkat kaanngartikkusussimavai.
-Sapakkat annoraamerngillu atunngilakka nunatta pissarititaanik atorluarnissaanik, nunasiaatanermi pigiliutiinnakkat kaanngartippakka, Maria Kleist oqarpoq nassuiaallunilu suliarileramigit aallaqqaammut itingartitaasarsimangaluarluni.
-Itingartitaaqqaarpunga, taava eqqartuereeraangata aatsaat akuerisaasarlunga, kisianni uteriikkama suliaraakka, oqarpoq nassuiaallunilu qalipaatit atorlugit aamma avittaliorluni aamma assuutini aallaavigalugit isumassarsiorfigalugillu sanasoqassappat assut tulluusimaarutigissallugu
Sisimiuni Kalaallisuuliornermik Ilinniarfimmi allagartartaartitsineq sapaatip-akunnerani Sermitsiami saqqummertumi atuaruk.