Ataqqisarialik ataqqinaaserpaat
Jaappili Boassen Kommuneqarfik Sermersuup innuttaasunut immikkut suliniuteqarsimasunut siullermeerutaasumik nersornaasiuttagaanik tunineqarpoq
Jaappili Boassen, Kulusuk innuttaasunut immikkut iliuuseqarlutik suliniuteqarsimasunut Kommuneqarfik Sermersuup siullermeerutaasumik nersornaasinerani nersornaasisinneqarpoq.
Nersornaasiinermut tunngavilersuutigineqarpoq Jaappili Boassen, 66-inik ukiulik ukiorpanngortuni inunnik isumaginninnermik Kulusumi siuarsaaniarluni suliniuteqartuarsimanera, soorlu qasusuilluni nunaqarfimmi peqatigiiffinni suleqataajuarsimasoq.
Jaappili Boassen, nunaqarfinni aqutsisuni aamma kommunalbestyrelsimi Ammassalik Kommuniugallarmat ilaasortaasimavoq. Tamatuma saniatigut Jaappili Boassen Kulusumi innuttaasut "Aliikkusiartitsineq" katersuuffigigaangassut aliikkutaalluartuusarpoq.
Suliniuteqartumut nersornaat Kommuneqarfik Sermersuumi kommunalbestyrelsimit ataqqinninniutaavoq, Kommuneqarfik Sermersuumi nutaaliorluni kiisalu siumut isigisumik suliaqarnermi kajumissaatitut tapersiissutitullu pilersinneqarluni. Kajumissaaserneqartut tunissummik aamma allagartamik kiisalu 15.000 koruuninik tunineqarput.
Juulli qaalisoq immikkut suliniuteqartunut nersornammik allat marluk tunineqartut tassaapput Immanuel Fonden i Nuuk, Ameralimmi Naalersitami kristumiussuseq aallaavigalugu aasakkut tammaarsimaartitsisartut aammalu Nuummi Aliikkusersuisartut Isiginnaartitsisartullu Peqatigiiffiat, (N.A.I.P). Taakkua meerartaat meeqqanut inuusuttuaqqanullu maligassiuilluartutut nersorniarneqarlutik. Issatsiaq Jaappili Boassen, Kulusuk, borgmesterimit Asii Chemnitz Narup-imit nersornaaserneqarpoq.