Nobelpris
Atuagassiaqarnermut nersornaat nobelpris Bob Dylanip tigungaa
Arfininngormat Dylanip nuannaaqaluni nobelpris Stockholmimi tigungaa, Det Svenske Akademiimi ilaasortat oqarput.
Bob Dylani atuagassiaqarnermut nobelsprisimik nersorneqartoq. Det Svenske Akademimi ilaasortat, svenskit nutaarsiassaqartitsiviannut SVT-mut paasissutissiivoq.
Nersormaammik tunniussinneq isertorluni ingerlanneqarput, Dylanip Stockholmimi arfininngornermi tusarnaartitsinerani.
Nersornaasiineq taamaallaat Det Svenske Akademiip ilaasortaanit najuuffigineqartumi Dylanip kissaataa malillugu pivoq.
Nobelprisip atuagassaateqarnermut nersornaasiuttagaanut 2016-imi oktoberip qaammataanni 75-nik ukiulik Bob Dylan nersorneqartussatut nalunaarutigineqarpoq.
Decemberimilu nersornaatit tunniunneqarnissaanni Bob Dylani peqataasinnaanani nalunaarsimavoq.
Nersornaasiinerni suna patsisigalugu peqataasinnaannginninni nassuiaasersimanngilaa. Nipilersoqatigisartakkanilu Patti Smith peqataatiinnarsimallugu.
Maannalu qaammatinni arlalinni kinguaattoorluni - Stockholmimi marloriarluni tusarnaartitsinissani iluatsillugu najuuppoq.