Atuarfinni kulturi meeqqat pisinnaatitaaffigisariaqarpaat
Nunani avannarlerni meeqqat inuusuttullu kulturi assassorissallu ilinniartitsissutigineqarnissaat piumasarisinnaalerpaat. Nunat Avannarliit isumasioqatigiiffiat naapertussagaanni.
Nunat Avannarliit isumasioqatigiiffiata kultureqarnermik atuarfeqarfinnullu ministerit atsiortikkusuppaat meeqqat assassorissanik sammisaqarnissaannut periarfissaqartitsinissamut nunat avannarliit isumaqatigiissutaat tunngavigalugu, norden.org allappoq.
Siunnersuut Nordisk Råds Kultur- og uddannelsesudvalgimit saqqummiunneqartoq politikkerinit nunanit tallimaneersunit taperserneqarpoq.
Atuarfiit kultureqarnermik aallussisut Nunani Avannarlerni tamani, eqqumiitsuliortut ilinniarsimasut atuartitsisoralugit aammalu ilinniartitsissutit assassorissat. Tamakkuupput suliniutit nutaat meeqqat atuarfiini assassorissatigut ineriartornissaannik periarfissiisussat. Pisinnaatitaaffiit nutaat nunani avannarlerni suleqatigiissutitut nutaatut ilanngunneqassaaq taamatullu FN-ip Meeqqat pillugit pisinnaatitaaffiinut ukioq manna 20-nik ukioqalersup ilaannut ilanngutissalluni.
– Misissuinerit tamarmik takutippaat meeqqat atuarfimmi iluatsittumik ilinniassagunik kulturi atuartitsinermut ilaatinneqarpat angusarissaartitsinerusartoq. Nunat ilinniartitaanikkut angusaqarfiulluartut tamarmik atuarfinni assassorissat sammitinneqarnissaat pingaarteqaat. Nunani Avannarlerni atuarfiit pitsaassusaat qulakkeerniaraanni pingaaruteqarluinnarpoq meeqqat assassorissanik sammisaqartinneqarnissaat, Monica Green Nunat Avannarliit isumasioqatigiiffianni Kultur- og uddannelsesudvalgemit oqarpoq.
Ataatsimiittartoqatigiit Norge innersuuppaat, atuarfinnik immikkut kulturimik sammisalinnik peqarnermikkut Nunani Avannarlerni maligassiisut. Naalakkersuinermik suliallit ujartorpaat piffissaq ungasinnerusoq isigalugu nunani avannarlerni kattulluni kulturikkut ilinniartitaanikkullu iliuuseqartoqartariaqartoq.
Nunat Avannarliit avataanni assassorissat atuartitsissutillu imminnut attuumanerunissaat politikkikkut pisamillu suliallit suliniutigaat. Ilaatigut OECD-ip assassorissat tungaasigut PISA-mik periarfissiinissaq ammaaffigerusuppaa taamaasilluni nipilersornermut tunngasut ilinniartitsissutigineqarsinnaalernissaat PISA-mik misissuinerup kingorna kissaatigineqartoq eqqullugu.
Kultur- og uddannelsesudvalgip siunnersuutaa Nunat Avannarliit siunnersuisoqatigiivisa sapaatip akunnerani uani Stockholmimi ataatsimiinnerminni oqaluuserissavaa. Tamatuma saniatigut Siunnersuisoqatigiit Stockholmimi Kulturhusetimi pisussaq oktobarip 26-anni malinnaaffigissavaat.