Biskoppimut qinersineq:_ Palasit arfineq-marluk qinigassanngortissinnaanngillat
Piumasaqaatini minnerpaaq tassaavoq Ilisimatusarfimmit bacheloreqarnissaq.
Avannaata Provstia, Marianne Platou Olsen, Kalaallit Nunaanni ilagiinni ukiuni 20-ni atorfeqareerluni, septembarip 3-ani biskoppimut qinersinissamut qinigassanngortissinnaannginnerminik pakatsissutiginnittorujussuuvoq.
Aviisi Sermitsiaq taama allappoq.
– Palasinit tamanit misilittagaqarnerpaatut inissisimalersimavunga, aamma biskoppitut atorfiup atorfigilernissaanut piumassuseqarluarlungalu nukissaqarluarpunga. Kisianni qinigassanngortissinnaanngilanga, tamannalu pakatsissutigisorujussuuara, Marianne Platou Olsen Sermitsiamut oqarpoq.
Biskoppimut qinersinissaq pillugu Namminersorlutik Oqartussat nalunaarutaanni Nuummi Hans Egedep Oqaluffiani novembarip 22-ani naalagiaqatigiinnikkut ivertinneqarluni biskoppinngortussamut piumasaqaatit sisamat piumasaqaatigineqarput:
- Kalaallit Nunaanni ilagiinni palasitut sulisimasoq sulisorluunniit,
- kalaallit oqaasiinik ilisimasaqartoq, aamma
- upperisarsiornerup tungaatigut Ilisimatusarfimmi bacheloritut naammassinnissimasut imaluunniit nunat avannarliit universitetianni upperisarsiornerup tungaatigut kandidatitut soraarummeersimasut
- kingornatigullu pastoralseminariumimi ilinniarnermik ingerlatsisimasut.
Marianne Platou Olsen – ilagiinnilu palasit allat arfinillit piumasaqaatit ilaannik pingasuinnarnik naammassinnissimapput.
Aviisimi Sermitsiami atuarnerusinnaavutit - aviisi uani pissarsiariuk: