Bonnie Tyler nuannarinnippoq
– Qaqortumi isiginnaartut nuaanneqaat erinarsortartoq oqarpoq, aamma kalaallit nipilersortartut Nina Kreutzmann Jørgensenikkut kissassaasorisani nersualaarpai.
Walesimioq rockimik erinarsortartoq, Bonnie Tyler, tallimanngormat Qaqortumi tusarnaartitsisoq kalaallinik nipilersornerminut tusarnaariartunik assorsuaq nersualaarivoq.
– Nuanneqaat assorsuarlu nuannersumik tikilluaqquvaanngaa, Bonnie Tyler Hotel Qaqortumiit oqarasuaatikkut oqaluttuarpoq.
– Kalaallit tusarnaariat, Berlinimi aamma New Yorkimi angalaninni aqqusaarsimasanni, tusarnaariartunut sanilliullugit qanoq allaaneruppat?
– Immaqa allanut sanilliullugit erinarsuutit erinarsoqataaffigisaat amerlanngikkaluarput, kisianni erinarsuutit ilisimaneqarnerusut assatik quleralugit erinarsoqataaffigisarpaat. Qiimanerat nuanneqaaq, Bonnie Tyler oqarpoq kalaalerlu erinarsortartoq Nina Kreutzmann Jørgensen nersualaarlugu.
– Ninap takutitsinera pitsaavoq kiisalu tusarnaariartut kalaallisut erinarsornera assut nuannaraat, Bonni Tyler oqarpoq.
Erinarsortartoq nipilersortartuni ilagalugit pingasunngornerup tungaanut Qaqortumiissapput. Sapaatit akunnerata ataatsip missaanni Kujataaniinnertik ilaatigut savaatilinnut sapaatiummat takornariarnermut atorpaat, ataasinngormallu sermersuarmut angalaarput.