Buuti aningaaserivimmi
Qaqortup eqqaani sikorsuit Nuummut killissimapput..
Grønlandsbankip Nuummi allaffiani nivingavoq assiliarujussuaq »Qaqortoq«-mik taaguutilik. Angisuujuvoq 210 x 130 centimeterinik angissuseqarami, aammali angisuujulluni Qaqortumeersuugami sikorsuillu matup silatinnguaniittut assiliartaralugit.
TAKUUK GALLERI: Billeder fra Buuti i banken
Qalipaasartoq Buuti Pedersen qalipakkanik 18-inik Grønlandsbankimi saqqumersitsivoq, taakkunanilu tamani Qaqortup eqqaani sikorsuit assiliartaapput. – Suli sikorsuaqartaratta, saqqummersitsineq sisamanngornermi ualikkut ammarneqarmat Buuti Pedersen oqarpoq.
Buuti Pedersenip ukiorpassuarni nannut qalipagannaarinikuuai, nannunillu pinnguartunik qalipagai nunatsinni inuppassuarnit ilisimaneqarput. Grønlandsbankimilu saqqummersitamini Buuti Pedersenip assiliaq suli ingerlateqqissimavaa »Arnaq nanuutaalu«: – Uanga arnatut nanoq uumasutut nukittuutut isigigakku.
Buuti Pedersen qalipaasarnermi saniatigut aamma igalaaminernik suliaqartarpoq, svenskillu igalaamiliortartut sisamat suleqatigalugit suliarisimasai saqqummersitaani ilaapput. Pingaartumik niutiviit marluk asseqanngitsunik iluseqarput maluginngitsuugassaanngitsnunillu qalipaateqarlutik.
Sullinneqartuugaanni taamaanngikkaanniluunniit - kikkut tamarmik Buuti Pedersenip saqqummersitai julip 31-iata tungaanut Grønlandsbankip ammanerani takusarsinnaavaat.