"EKSPERIMENTET" takussutissiartaa takujuk
"EKSPERIMENTET" Katuami takutinneqartassaaq septembarip 9-anniit 30-iannut 2010.
EKSPERIMENTET-imi oqaluttuarineqarpoq peqqissaasoq Gert (Ellen Hillingsø), 1951-imi Kalaallit Nunaanni qallunaat naalagaaffiata børnehjem-iani immikkut illuinnartumi forstanderinngortinneqartoq.
Børnehjemmimi najugaqartinneqarput kalaallit meerartaat 16-it immikkut ittumik toqqarneqarsimasut, Danmarkimi ileqqorissaartinneqariarlutik angerlartinneqartut, nunatsinnilu inuiaqatigiinnut akuulertinneqartussat maligassiuisutut.
Gertip, nammineq kisermaajusup ilaqutaqanngitsullu, suliassaq tulluusimaarluni tiguvaa. Taanna isummaminik pingaartitsisuuvoq anguniagaqarusuttuullunilu, kalaallillu piitsuunermit anigortinniarlugit ikiorusuttorujussuullugit. Tamatumunnga atugassaasimavoq meeqqat 16-it qallunaat oqaasiinik kulturiannillu perorsarnissaat, taamaasilluni kalaallit sinnerinut inuiaqatigiinnit piniartutut piitsuniit Danmarkip ilaattut naligiissutut allanngortinnissaannut siuttuussallutik.
Taassuma misileraaneq tamanna upperingaaramiuk meeqqat takussaasumik inuttut pilliutaat takunngitsoorpai. Meeqqallu aammalu qallunaat naalagaaffiata sumiginnarmanni isummaminik pingaartitaminik attassiinnarnissani ajornakusoortikkaluttuinnarpaa.
Paasisaqarfik: filmtrailer.com