Eqqumiitsuliornermut aningaasaateqarfiup nipilersortartut,
eqqumiitsuliortut isiginnaartitsisartulluunniit aningaasatigut
tapiiffiginissaannut 8 millionit koruuninik tunineqartarpoq,
Naalakkersuisulli aningaasaateqarfimmit 3,9 millionit koruunit
filmiliornermut aningaasaateqarfimmik nutaamik pilersitsinissamut
atorniarpaat.
- Eqqumiitsuliornermut
aningaasaateqarfimmit aningaasanik aalliinnarneq eqqumiitsuliortunut
eqquissaaq, taakkulu suliniutiminnut aningaasaliissutinik
annaasaqassapput, EPI-mi siulittaasoq Hans Jukku Noahsen oqarpoq,
taassumalu aalajangerneq akuerisinnaanngilaa.
Eqqumiitsuliornermut aningaasaateqarfiup nipilersortartut,
eqqumiitsuliortut isiginnaartitsisartulluunniit aningaasatigut
tapiiffiginissaannut 8 millionit koruuninik tunineqartarpoq,
Naalakkersuisulli aningaasaateqarfimmit 3,9 millionit koruunit
filmiliornermut aningaasaateqarfimmik nutaamik pilersitsinissamut
atorniarpaat.
- Eqqumiitsuliornermut
aningaasaateqarfimmit aningaasanik aalliinnarneq eqqumiitsuliortunut
eqquissaaq, taakkulu suliniutiminnut aningaasaliissutinik
annaasaqassapput, EPI-mi siulittaasoq Hans Jukku Noahsen oqarpoq,
taassumalu aalajangerneq akuerisinnaanngilaa.
- Nunani allani
filmiliorneq inuussutissarsiutaavoq, taava sooq inuussutissarsiutinik
siuarsaanermut aningaasaliissutinit pissarsisinnaanngillat?
Inuussutissarsiutitut isigineqalissappat, inuussutissarsiutitut
siuarsarlugu filmiliorneq inuussutissarsiutitut
isigineqalertariaqarpoq, Hans Jukku Noahsen oqarpoq.
EPI-p siulittaasuata
isornartorsiuinini attappaa, naak eqqumiitsuliortunut
aningaasaateqarfik ukiut marluk matuma siorna pilersinneqarmat
aningaasanut inatsimmi filmiliornermut tapiissutitut 3,9 millionit
koruunit atorneqaraluartut.
- Maanna
eqqumiitsuliornermut aningaasaateqarfiup aningaasaatai 8 millionit
koruuningajaat affaat ilanngaavigineqartussanngorput.
Nipilersortartut, isiginnaartitsisartut, eqqumiitsuliortut allallu
filmiliornermik siuarsaanermut akiliuteqartussanngorput. Tamanna
akuerineqarsinnaanngilaq. Soorunami filmiliornermik siuarsaanissamik
kissaat tapersersorparput, aningaasalli allamit
pissarsiarineqartariaqarput.
- Allaanngilaq
eqqumiitsuliortut atungaat ajorseriaqqiinnartut, atugassarititat
pitsanngorsarneqanngillat. Eqqumiitsuliortunut aningaasaliineq
siunissami ineriartornermik qulakkeerinnittutut
isigineqartariaqarpoq, eqqumiitsuliorneq eqqortumik pineqarpat
ineriartussammat. Taamatut eqqarsartaaseqarneq
qimakkiartorneqartutullu ippoq, Hans Jukku Noahsen oqarpoq.
