Fiann Paul Uummannami
Polenimiu assiliisartuullunilu isiginnaartitsisartoq Fiann Paul qaammat ataaseq Uummannami assiiortorsimavoq.
Septemberimi assilisaminik Katuami saqqummersitsillunilu assinik seqersittakkanik takutitsigami nunatsinni ilisimaneqalerpoq, atuakkiamilu nutaanersaat ´Moss and Ocean' aamma ilisaritillugu.
Polenimi inunngorsimavoq Islandimilu najugaqarlunilu sulilluni, aamma Himalayami Hollywood-imilu sulisarluni.
Meeraallunili issittut soqutigilersimavai tikikkusuttalersimallugillu.
Fiann Paul pingasunngorpat qilalukkat aarrillu tuugaavi ammillu Uummannap eqqaani katersorsimasani atorlugit sakkuliaminik, pinnersaasiaminik atisalianillu, piniartup(/aalisartuo Paulus Nikolajsenip Fiannip kissaatigisai malillugit sanasimasaanik, alutornartunik saqqummersitsissaaq.
Saqqummersitsineq ammassaaq nal. 16.00-imiit 17.00-imut orsivikumi KNIp eqqaaniittumi, namminerlu aamma qaammat naammatsillugu Uummannamiinnermini assillisaminik saqqummersitsissalluni.
Novemberimi Nordens Husimi Savalimmiuniittumi saqqummersitsissaaq, pingaartumik Kalaallit Nunaanni assilisaminik takutitsissalluni, decemberimilu Nordic Housemi Islandimiittumi Kujataani Avannaanilu assilisaannavimminik saqqummersitsissaaq.