Naliliineq
Filmi ´Inuk´ Berlingskemi tallimanik ullorialerneqarpoq
Filmi aliikkutassiaq ´Inuk´, juullikkunni Danmarkimi takuteqqaarneqaretoq, Berlingske-p filminik naliliisartuanit tallimanik ullorialerneqarpoq
Filmi aliikkutassiaq ´Inuk´ 2010-meersoq, nunanilu tamalaani filminut nersornaasiuttakkanik 20-nik nersornaatisisimasoq, juullikkunni
Danmarkimi filmertarfinni takuteqqaarneqaerpoq.
Filmi aliikkutassiaq, 2012-imi kalaallit Oscar-imut komité-annit Hollywood-imi Oscar-inik tuniuoraanermi ´Nunat allamiut filmiliaattut pitsaanerpaatut´ Oscar-innattussatut inassutigineqarsimasoq, Berlingske-p filmilianik naliliisartuanit ullorissanit arfinilinnit tallimanik ullorialerneqarpoq.
– Piviusut tamaviaarnartut pinngortitarsuarlu nalissaqanngitsoq Mike Magidson-ip filmiliaqqaavani kusanartumi nikallornartumilu ´Inuk´-mi oqaluttuarineqarput. Angunnia toqummat nukappiaraq Inuk arnilu Nuummut nuupput. Tassani peroriartorpoq silarsuarmi persuttaanermik imigassartornermillu atuiffiusumi - Kalaallit Nunaata nutaaliaasup anniaataanik.
Taamatut Berlingske filmimik naliliinermini allappoq.
´Inuk´ Danmarkimi filmertarfinni takuneqarsinnaavoq januaarip 24-ata tungaanut.