Filmit
alutornartut tiguartiffigisarpagut. Filmit pitsaanerpaat aqqutigalugit allat
pillugit — immitsinnullu — paasisaqarnerulersarpugut. Filmit oqariartuutaat,
nipilersukkat oqariartuutaat assigalugit, kikkunnilluunniit
paasineqarsinnaasarput. Kalaallit filmiliaat amerlanerusut maanna
sananeqartussanngorunarlutillu filmiliaritittartunik piginnaasalinnik
ineriartortitsisoqarnialerunarpoq.
Tamatuma
anguniarnissaanut alloriarneq siulleq tassaavoq Kalaallit Nunaanni
filminstituttimik pilersitsinissaq.
Filmit
alutornartut tiguartiffigisarpagut. Filmit pitsaanerpaat aqqutigalugit allat
pillugit — immitsinnullu — paasisaqarnerulersarpugut. Filmit oqariartuutaat,
nipilersukkat oqariartuutaat assigalugit, kikkunnilluunniit
paasineqarsinnaasarput. Kalaallit filmiliaat amerlanerusut maanna
sananeqartussanngorunarlutillu filmiliaritittartunik piginnaasalinnik
ineriartortitsisoqarnialerunarpoq.
Tamatuma
anguniarnissaanut alloriarneq siulleq tassaavoq Kalaallit Nunaanni
filminstituttimik pilersitsinissaq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Kultureqarnermut
Naalakkersuisoqarfiup »Filmiliortarneq pillugu Inatsisartut inatsisissaattut
siunnersuut« tamanut tusarniaassutigaa, tassani filmiliortarnermik
inuussutissarsiutit nukittorsarneqarnissaat pingaarnertut anguniarneqarluni.
Siunnersuummi siunertaavoq »Kalaallit Nunaanni filmiliortarnermik,
filmertarnerup kulturianik Kalaallit Nunaannilu filmertitsisarnerup
siuarsarneqarnissaa«.
- Tamanna
pingaarnertut aaqqissuunneqarpoq filminstituttimik pilersitsinissamik inatsisit
naapertorlugit pisortanit pilersinneqartumik imminut ingerlattumik,
siunnersuummut oqaaseqaammi allassimavoq.
Aammattaaq
Naalakkersuisut instituttimik siuarsaasussamik proffessioneliusut filmiliat
misileraasut eqqumiitsuliatut aamma piginnaasanik ineriartortitsineq
filmværkstedimik ingerlatsinikkut peqalernissaa kissaatigaat.
Inatsisartuni
siunnersuut saqqummiunneqareerpat qinikkat amerlanerussuteqartut nuna
tamakkerlugu filmiliornermut aningaasaateqarfimmik pilersitsinissaq
tapersersorunikku, tamanna Kalaallit Nunaanni filmiliortarnermut
iluaqutaassaaq.
Tamanit iluaqutaasartoq
Filmiliornerit
illoqarfimmi ingerlanneqaraangata, illoqarfimmi tassani
iluanaarutigineqartarpoq illoqarfimmullu pitsaasumik ussassaarutaasarluni.
Tamanna Den Vestdanske Filmpuljep nalunaarusiaani atuarneqarsinnaavoq:
-
Ilitsersuisut filmiliaritittartullu saniatigut filmiliornerit aamma sumiiffiit
kiisalu angallassineq, akunnittarfiit neriniartarfiillu
pisariaqartinneqartarput. Filmiliortartut illoqarfimmi pisiniarfinni
pisiniartarlutillu akunnittarfinni najugaqartarput neriniartarfinnilu
nerisarlutik. Tamanit iluaqutaasarpoq, nalunaarusiami allassimavoq.
Misissuinermi ukiuni pingasuni Danmarkimi kitaani filmiliortarnerit
ilanngunneqarput. Filmit ukiuni pingasuni 740 millioningajannik
naleqarnerulersitsisarsimapput suliffissarpassuaqartitsisarlutillu.
Filmiliornermut
aningaasaateqarfiup ilaatigut suliassaraa aningaasatigut tapiissuteqartarneq
allaatigisaq filmiliornermi najoqqutassaliorneq, ineriartortitsinernut,
nioqqutissiornermut, ussassaarinermut, saqqummiussinermut, takutitsinernillu
ingerlatsinerit kalaallit filmiliaannik aamma filmilianik coproducerikkatut
suliaasut filmiliat.
2026-mut pilersaarutaasoq
Misiliinerli qanoq
akeqassava? Paasissutissat tusarniaanermi aamma atuarneqarsinnaapput.
Akikittuinnaassanngilaq.
Siullermik
filmiliornermik ilinniarfik aqutsisoqalertussaavoq, ilaatigut
siulersuisoqarluni, taakkualu siulittaasuat 50.000 koruuninik
akissarsiaqarnissaa naatsorsuutigineqarpoq; siulersuisunullu ukiumut
aningaasarsiat 225.000 koruuninik aningaasartuuteqarnissaat missingiunneqarpoq.
Instituttip
ulluinnarni ingerlanneqarnissaannut, pisortamut sulisunullu allanut,
aningaasarsiassanut aningaasartuutit ukiumut 2,1 millionit koruuniunissaat
missingerneqarsimavoq. Tamatuma saniatigut pilersitsinermut aningaasartuutit,
allaffimmik attartorneq, allaffimmi sulisut, filmilianik nittarsaassineq
aningaasartuutillu allat ukiumut 1,7 millionit koruuniussapput. Aammattaaq
filmiliornermut tapiissutit pioreersut siunissami qanoq
ingerlanneqarsinnaanerat paasissutissiissutini ilanngunneqarpoq. Naalakkersuisut
pilersaarutaat malillugit suut tamarmik ingerlassappata filmiliornermut
institutti 2026-mi ammassaaq. Pisortaasoq 2025-mi juulip aallaqqaataani
atorfinitsinneqassaaq.
