Galleri-aalajangernaveerfik
Grønlands Nationalgallerip siulersuisuisa aalajangissavaat illussanik titartaasartumik silarsuarmi tusaamasamik titartaasitsissanerlutik, imaluunniit suliassap nunani avannarlerni illussanik titartaasartunut imissutiginissaa aalajanngiusimassanerlugu.
Illussanik titartaasartoq silarsuami tusaamasa imminut neqeroorutigisoq qujarunneqassava - imaluunniit nunani avannarlerni illussanik titartaasartut, ilaatigut nunatsinneersut marluk, matoqqasumik unammisinneqarnissaat aalajangiusimaneqassava?
Grønlands Gallerip siulersuisuisa apeqqut taanna aalajangiiffiginiartariaqalerpaat. Sermitsiap paasivaa, illussanik titartaasartup silarsuarmi tusaamasap qalipakkanik saqqummersitsisarfissaq Nuummiittussaq titarumallugu siulersuisut saaffigisimagai.
Pisortatigoortumik aalajangertoqanngikkallartillugu siulersuisut siulittaasuata Kaj Kleistip illussanik titartaasartup atia saqqummiukkumanngikkallarpaa.
Illussanilli titartaasartup taassumap piumasarisimavaa, nammineq titartaasinneqassaguni illussanik titartaasartut allat arfineq pingasut matoqqasumik unammisinneqassanngitsut.
– Illussanik titartaasartoq taanna unamminermut peqataajumanngilaq. Taama nikanartiginnginnami, Kaj Kleist Sermitsiamut oqarpoq.
Nunani avannarlermiunik unammisitsineq
Neqeeooruteqarnerup siulersuisut aalajangeruminaatsitsilersippai.
Kaj Kleistip oqaatigaa?Nordisk Kultur Fond qalipakkanik saqqummersitsisarfissamut milliuunit affaannik tapiiumalluni akuersisimasoq. Aningaasalli taakku matoqqasumik unammisitsinissamut, illussanik titartaasartut arfineq pingasut saqqummersitsisarfissap illutassaata isikkussaanik titartaallutik unamminissaannut atugassaapput.
Aviisimi atuarnerugit.