igalikumi tupaallanneq
Game of Thronesimi tusaamasaq nunaqarfiup pisiniarfiani naapikkaa
Pipaluk Egede Nielsenip isiginnaartitsisartoq Nikolaj Coster-Waldau naaperiasaaramiuk assiliseqatigaa
Taakku marluullutik aasalernerani ilaquttatik najorniarlugit Igalikumiipput.
- Anaanaga tikeraarlugu maaniippunga, 50-iliillunilu inuuissiorneranut atatillugu Pilersuisumut pisiniarpugut, Pipaluk Egede Nielsen, Sermitsiaq.AG-mut oqaluttuarpoq.
Arraa! Kinaana uani nikorfasoq?
Ullormi tassani nunaqarfimmi pisiniarfeeqarmik dankortimik akiliutip aqqutaa ajorpoq, pisiniartullu arlallit naammagittarlutik utaqqisariaqarput.
Tassani malugileriasaarpaa, qallunaaq Game of Thronesimi isiginnaartitsisartoq eqqamini tunuleriaattuni nikorfasoq.
- Taanna tuaviorami ingerlaqqippoq, kisianni assileqatigiumagakku akuersivoq, Pipaluk Egede Nielsen nassuiaavoq.
Ilaqutariit eqqissisimaartarfiat
Nikolaj Coster-Waldau sisamanngornermi Igalikumut kisimiilluni nulianilu Nukaaka Coster-Waldau nunaqarfimmi illuarartik alakkarpaa.
Nukaakap ataataa, Josef Motzfeldt, aamma Igalikumi najugaqarpoq.
Uani ataani Pipaluk Egede Nielsenip Igalikup pisiniarfiani isiginnaartitsisartumik assiliseqateqarnera takuuk
Igaliku pillugu allaaserisat tamaasa uani takukkit