'Gay Greenland' saqqummersinneqaqqilersoq

'Gay Greenland' WoldPridep Københavnimi ingerlanneqarneranut atatillugu ulluni aggersuni Københavnimi saqqummersinneqaqqissaaq.

Udstillingen sætter ansigter og ord på en minoritet i det grønlandske samfund. I løbet af de to Prides i Nuuk i 2011 og 2012, blev byens ”ikke”-heteroseksuelle inviteret til at få taget deres portræt og bidrage med et citat om deres seksualitet og livssyn, fortæller Det Grønlandske Hus i København om 'Gay Greenland'.

Jørgen Chemnitz

Merete Lindstrøm

Published 18 August 2021 - 09:46

Annonse

Kalaallit Nunaanni suiaaqatiminnik atoqateqartartut pillugit saqqummersitaq Københavnimi Kalaallit Illuanni ulluni aggersuni saqqummersinneqaqqissaaq.

Saqqummersitassaq aallaqqaammut 20212-imi saqqummersinneqarsivoq, Suiaaqatigiminnik atoqateqartartut 2011-mi 2012-imilu Nuummi ingerlaarnerannut atatillugu assiliisartup Jørgen Chemnitzip assilisimasai saqqummerseqqinneqassapput.

- WoldPridep Københavnimi ingerlanneqarnissaanut atatillugu, Gay Greenlandip 2012-imi saqqummersinneqarami nersornaaserneqarsimasup takuteqqinneqarnissaanut tikilluaqqusinissatsinnut qilanaarpugut, Kalaallit Illuat tusagassiorfinnut nalunaaruteqarluni allappoq.

Saqqummersitseqqinnissamut aallaqqaammut saqqummersitsinermi takutitassiaasimasunit 21-t saqqummerseqqitassatut toqqarneqarsimapput. Københavnimi Kalaallit Illuani pisortaq Leise Johnsen 2012-imi saqqummersitsinissamut aaqqissuussisuusimavoq, ammaanermilu soqutiginnittut suliniutip pilersinneqarsimaneranik taanna oqaluttuartoq tusarnaarsinnaavaat.

WorldPride aamma Eurogames Københavnimi

- Taanna oqaluttuareerpat Aka Naviana aamma Laura Aviana Birthe Olsenip taalliaanik atuaassapput. Naggasiullugu Nina Sikkersup aamma Wilhookip djpulten isumagissavaat, kalaallillu suiaaqatinoortartullu anersaavat.

Ritzau naapertorlugu WorldPride tassaavoq, LGBT-nut inunnullu nunani tamalaani ingerlanneqartartoq, taanna ukioq manna aggustip aqqaneq-aappaanniit 22-ata tungaanut Københavnimi Malmømilu ingerlanneqassaaq.

WorldPridep ingerlanneqarneranut peqatigitillugu EuroGames, LGBT-nut inunnullu nunani tamalaani timersortitsisartoq aamma ingerlanneqassaaq, tassunga peqataaniaraanni nalunaartoqarsinnaavoq.

2000 LGBT+-timersortartullu nunanit 50-init amerlanerusuneersut EuroGamesimi tinersuutinut 22-usunut peqataassapput, timersorneq aggustip 18-iani ammaanersiorneqassaaq.

kulturi