Haps M.I. piariingajalerpoq

Sapaatip akunnerisa pingasut matuma siornatigut Henrik A. Brobergip, tassaasup HAP-p aalajangerpoq John O.-lu erinarsortartorlu Ju-No tapersersuilluni erinarsuusiani Meeqqat Inuunerissut-mut tunniunniarlugu, taassuma sinneqartoorutai tamarmik peqatigiiffimmut tassunga nakkartassallutik.

Erinarsuusiaa maanna naammassereersimalerpoq naggataarutaasumillu suliarinera aallartinneqarsimalluni. Nipilersornermik videoliap immiunneqarnera maanna aallartinneqassaaq decemberilu qiteqqunnerani naammassereersimassalluni.

Erinarsuusiaq aallaqqaammut taamaallaat nettimi pisiarineqarsinnaassaaq, piffissamilu qaninnerpaami cd-single-ngorlugu saqqummersinneqassalluni, HAP oqaluttuarpoq.

- Sukkasuumik sivikitsuararsuarmillu suliarisimavarput. Suliamulli naleqquppoq, HAP oqarpoq, taassumalu erinarsuusiaq erinniorsimavaa, immiussimallugu, aaqqissuussimallugu kiisalu aningaasaliisinut tamanut attaveqarneq ingerlassimallugu.

Erinarsuut HAP myspace quppernerani tusarnaarneqarsinnaavoq.