Henrik Wilhjelm Rinkip nersornaasiuttagaanik tunineqarpoq
Det grønlandske Selskabip nersornaasiuttagaa Samuel Kleinschmidt, ilinniarfissuit ajoqilu pillugit atuakkianik pingasunik atuakkortumut tunniunneqarpoq.
Palasi atuakkiortorlu Henrik Wilhjelm Det grønlandske Selskabip nersornaasiuttagaanik Rinkimik tunineqaqqammerpoq.
»... kalaallimik imminut taajumaneruvunga«.
Qatanngutigiinnianiit ajoqersuiartortup oqaasilerisullu Samuel Kleinschmidtip inuunera sulisimaneralu pillugit Henrik Wilhjelmip atuakkiani 2001-meersoq taama taaguuserpaa.
Atuakkat allat marluk »De store opdragere« (1997) aamma »De nye grønlændere« (2008) aqqutigalugit Henrik Wilhjelmip Nuummi Ilulissanilu ilinniarfissuit marluk 1800-kullu affaani kingullermi inuiaqatigiinnut kalaallinut pingaaruteqaqisut pillugit atuakkat pingasut uppernartut pilersippai.
Tunissuteqarneq pivoq sisamanngormat unnukkut Københavnimi, tassani siulittaasup Martin Appeltip nersornaat tunniullugu, siulersuisunilu ilaasortap Kirsten Thistedip Henrik Wilhjelmip toqqagaanissaa kaammattuutigisimavaa.
Det grønlandske Selskabip nersornaasiuttagaa Rink inunnut kujataata naalagaa ilisimatooq H. J. Rink assigalugu »immikkut ittumik Kalaallit Nunaat pillugu ilisimatusarsimasunut allatiguluunniit inuiaqatigiinnut kalaallinut pingaarutilimmik iliuuseqarsimasunut«.
Nersornaasiuttakkamik Rinkimik siusinnerusukkut tunineqarsimapput Ejnar Mikkelsen, Lauge Koch, Eigil Knuth, Helge Larsen, Frederik Nielsen, Chr. Berthelsen, Jens Rosing, Sara Helms, Chr. Vibe, Robert Petersen aamma Minik Rosing.