Hovep titartagaaniksaqqummersitsinersuaq
Vejle Kunstmuseumip Anne-Birthe Hovep titartagaanik nutaanerusunik tunumut qiviarluni saqqummersitsineq ammarpaa.
Vejle Kunstmuseumimi saqqummersitsinermi »Grønlandske streger« Anne-Birthe Hovep ukiuni kingullerni qulini titartagai nutaajunerusut saqqummersinneqarput.
Katersugaasiviup pisortaa Signe Jacobsen naapertorlugu Vejle Kunstmuseumip sivisuumik kissaatigisimavaa Anne-Birthe Hovep (1951-imi inunngortup) titartagaanik kisimiitillugit saqqummersitsinissaq.
Vejle Kunstmuseumip eqqumiitsuliortoq takusimavaa eqqumiitsuliortut kattuffiata Koloristerne-p Københavnimi Den Frie-mi saqqummersitsinerani.
2004-mi katersugaasiviup serianit »Sermitsiaq«-meersut aamma »Mellemtid«-imeersut titartakkat arlallit pisiarisimavai titartakkanik katersugaatiminut, Danmarkimi katersugaatit annersaasa tulliannut 15.000-inik titartagaatilimmut.
Anne-Birthe Hovelli saqqummersitsinissaanut katersugaasiviup allanngortiterneqarnera allineqarneralu akornutaasimavoq.
– Tamaanga killinnissaq ilungersunarsimaqaaq. Taamaattumik saqqummersitsinerup maanna ammarnera iluarisimaarnartorujussuuvoq, Signe Jacobsen Sermitsiamut oqarpoq.
Anne-Birthe Hove nuannaarutigaa katersugaasiviup taassumarpiaap titartakkani saqqummersimmagit.
– Katersugaasivik nuannersorujussuuvoq titartakkanik nunanit avannarlermersunik katersugaateqarluartoq, Anne-Birthe Hove oqarpoq.
Titartakkat 60-it missaanniittut inini mikisuni sisamani nivingapput takuniaasullu qilanaarisinnaavaat seriat »Tundra« aamma »Modvind«, »Siku«-lu takoqqinnissaat seriallu nutaap »Tupilak« takunissaa.
Sermitsiaq atuaruk.
Vejle Kunstmuseum:
»Grønlandske streger«
Anne-Birthe Hove
6. september - 4. januar.