Illerfeeqqat qangatoortut nutaamik
Qulequtaq ileqqutoqaq nutaanngorsaanerlu qulequtaralugu tunumi Kulusumi atuaqatigiit karsinik viinnit puukuinik tunumiut sanariaasiat atorlugu illerfeeraliorsimapput.
Annonse
Atuartitsissut "illoqarfimmi toqqakkat" (sananeq) Kulusumi 6. aamma 7. klassemi atuartut qulequtaq "Ileqqutoqqat nutaanngorsaanerlu" sammisimavaat. Tamanna karsit viinnit puukui atorlugit tunumiut sanariaasiat atorlugu illerfeeqqanik arfineq-pingasunik sananermik kinguneqarsimavoq.
Taamak atuarfiup pisortaa Lars-Peter Sterling oqaluttuarpoq.
Meeqqat tassaapput saamerlermiit Jensine, Esajas aamma Kornelius, Anitha, Nukappi aamma olga, saarliupput Karola. Ilinniartitsisoq saamerlerpaaq tassaavoq Anne-Mette.