Ina Rosing Bryggenimi
”Land ho” tassaavoq eqqumiitsulianik aqqaneq-marlunnik Ina Rosingip saqqummersitsinera. Qalipakkat Nordatlantens Bryggenimi apriilip 15-iata tungaanut takuniarneqarsinnaapput
Ina Rosingip Nunatsinni meeraanerminit aamma inuusuttuaraanerminit eqqumiitsulioriaasia sunnersimaneqaqaaq.
- Sunarsuaq tikillugu isigisinnaaneq aammalu issittumi pinngortitamut sunik tamanik naalagaasumut kipisajuaannarpunga. Qalipaagaangama nunamut tassunga attaveqarnera malugisimaartarpara qalipaatit qalipakkamalu ineriartornerannik akoqartilluguliusooq, eqqumiitsuliornissannut pingaarnerpaatitakka, Ina Rosing oqaluttuarpoq.
Pinngortitaq aamma inuit angalarusussusaat angerlarsertarnerallu saqqummersitami pingaarnertut sammineqarput. Saqqummersitat aqqaneq-marluusut ataatsimoorussaraat killingusaaq ersarissoq, immap qilaallu killeqarfiannik takutitsiinnaratik aamma kipisanermik neriuummillu imaqarput:
- Imarpissuarmiilluni nunamik takusinnaalerneq neriuutinik nutaanik nutaamillu aallartinnissamik misigissuseqarnarsisarpoq, angerlarluni tikileraanni umiarsualivimmulluunniit takornartamut tikileraani arnamilluunniit pakkussissagaanni, takornartarluinnarmulluunniit apuutileraanni, Ina Rosing oqarpoq.
Saqqummersitsinermut atatillugu suliat pillugit quppersagaq Simon Lautropimit suliarineqarpoq Morten Søndergaardip aqqaneq-marlunnik allaaserisanik ilanngussiffigisaa.
”Land ho” Københavnimi Nordatlantens Bryggemi januaarip 13-ianniit apriilip 15-iat ilanngullugu takuniarneqarsinnaavoq.
Saqqummersitsineq tapersersorneqarpoq A. O. Møller og Hustru Chastine McKinney Møllers Fond til almene Formål, Kong Christian den Tiendes Fond aamma Kulturfonden Danmark-Grønland.