Nuummi Blok 5-imi qalipagaq kusanartoq ukiuni qulini illoqarfimmi innuttaasunut tikeraanullu nuannaarutaasimavoq, qanittukkulli eqqumiitsuliaq taanna kalerriutigeqqaarnagu piiarneqarpoq.
Australiamiu assilialiortoq aamma assiliisartoq Guido van Helten, assilialianik piviusorsiortunik qalipaasarnini pillugu ilisimaneqartoq nersorneqartartorlu, septembarimi 2014-imi assilialiorpoq. Isumassarsiorfigineqartoq tassaalluni asseq qernertumik /qaqortumik qalipaatilik, qallunaap oqaatsinik ilisimatuup inuiaqatigiillu oqaluttuarisaanerannik ilisimasallip William Thalbitzerip 1906-imi Tasiilami assilisaa. Piniartup Poonojortep assinga sakkortooq, kisiannili aamma paasiuminaatsoq, siunersisassaanngitsumik qungujulalluni assinga.
Nuummi Blok 5-imi qalipagaq kusanartoq ukiuni qulini illoqarfimmi innuttaasunut tikeraanullu nuannaarutaasimavoq, qanittukkulli eqqumiitsuliaq taanna kalerriutigeqqaarnagu piiarneqarpoq.
Australiamiu assilialiortoq aamma assiliisartoq Guido van Helten, assilialianik piviusorsiortunik qalipaasarnini pillugu ilisimaneqartoq nersorneqartartorlu, septembarimi 2014-imi assilialiorpoq. Isumassarsiorfigineqartoq tassaalluni asseq qernertumik /qaqortumik qalipaatilik, qallunaap oqaatsinik ilisimatuup inuiaqatigiillu oqaluttuarisaanerannik ilisimasallip William Thalbitzerip 1906-imi Tasiilami assilisaa. Piniartup Poonojortep assinga sakkortooq, kisiannili aamma paasiuminaatsoq, siunersisassaanngitsumik qungujulalluni assinga.
Inissiarsuup isua ullumikkut nutaamik qalipanneqarsimavoq, qaqqorimmik – allamillu soqarani.
Paasissaanngitsoq
Namminersorlutik Oqartussat Blok 5 pigivaat, inissiaatileqatigiiffiullu A/S Inip inissiap attartortinneqarnissaa aserfallatsaalineqarnissaalu akisussaaffigalugit.
– Sooruna qalipagaq peerneqariasaartoq?
– Naluara, kisianni nassuiaatissarsiorlunga ingerlaannaq misissuiniarpunga, Inip pisortaa Henrik Rafn Sermitsiamut oqarpoq, Sisimiuniittoq sianerfigalugu iluatsikkatsigu. INI aserfallatsaaliinermut atatillugu maajimi inissiarsuup Blok 5-ip silataata qalipanneqarnissaa suliariumannittussarsiuunneqarmat, Nuuk Malerfirma ApS suliarinnittussatut ajugaasuuvoq.
– Ini peqqusigami iikkami qalipagaq qalipaammik qallerneqassasoq, tamannalu sapaatip akunnerani kingullermi pivoq, qalipaasut suliffeqarfianneersoq Lars Frederik Lundblad Sermitsiamut oqaluttuarpoq, Blok 5-ip eqqaani inissiarsuit akornanni tulleqqaniittoq naapikkamiuk.
Inissiarsuup silataata qalipanneqarnissaanut suliariumannittussarsiuussinermi atortussani inissiarsuup isuata qalipanneqarnissaa pappiaqqani oqaatsimik ataatsimilluunniit eqqaaneqanngilaq.
- Qalipakkap pilerseqqinneqarnissaanut periarfissaqarnersoq misissuiffigissavara, INI-p pisortaa Henrik Rafn taama neriorsuivoq.
Guido van Heltenip pineqartumik qalipaanera qujanartumik uppernarsaatissaqarluarpoq; pisut ilaatigut Sermitsiap assiliisuanit Leiff Josefsenimit 2014-imi malinnaaffigilluarneqarmata.
Guido van Helten, 1986-imi inunngortoq, Nuummeereernermini iikkanik angisuunik sanaartukkallu silataannik nunarsuarmi sumi tamaani pinnersaanernik suliaqartarpoq. Taanna Australiami Queenslandimi ullutsinni najugaqarpoq. Suliai uani malinnaaffigineqarsinnaapput www.guidovanhelten.com
Ajornartoornermi iluatsitsineq
Nunatsinni allakkerivitta Tusassip saqqummersittakkamini tulleriiaanni ”Street art”-imi (aqqusinermi eqqumiitsuliat) frimærkit marluk ullumikkut saqqummersippai aamma siumut iseqartutut illutik frimærkimi siullermi Guido van Heltenip Nuummi blok 5-imi iikkamut qalipagaa saqqummersippaa. Taamaattumik piniartoq Tasiilameersoq Poonojorteq frimærkimi mikisumi nuannaarutigisinnaavarput, iikkami angisuumi qalipanneqarnerata pilerseqqinneqarnissaata tungaanut.
