Inuit Nipaat Radio Nuummiit aallakaatitsivoq
Alaskami radioqarfik ICC-p ataatsimeersuarneraniit inuit tuluillu oqaasii atorlugit USA-mi radioqarfinnut arlalinnut aallakaatitsivoq.
Radioqarfik Koahnic Broadcast Corporation ICC-p ataatsimeersuarnerani ullut tamaasa ullormut akunnerit sisamat affarlu toqqaannartumik aallakaatitsivoq.
Koahnicimi pisortaq Jaclyn Sallee oqarpoq:
-Siunissami tusagassiuteqarnikkut ineriartornermi alloriarneruvoq siulleq, issittumi tusagassiuutit nutaarsiassanik, paasissutissanik kulturikkullu aaqqissuussanik paarlaateqatigiillutik. Koahnicimi tulluussimaarutigaarput ataatsimeesuarnermit USA-mi radioqarfinnut tamanut aallakaatitsigatta.
Koahnicip aallakaatitassiaq '2010 Inuit Nipaat Radio' nuna tamakkerlugu radioqarfik 'Native Voice One´ aqqutigalugu tamanit aallakaatinneqartilissavaa. Radioqarfiit makku Nuummi ataatsimeersuarnermit aallakaatitsipput: KNBA - Anchorage, KBRW - Barrow, KCUK - Chevak, KTOO - Juneau, KOTZ - Kotzebue, KYUK - Bethel, KDLG - Dilllingham, KNOM - Nome aamma KSDP - Sand Point.
Koahnic ullut tamaasa akunnerit sisamat affarlu inuppiatut, yupiktut tuluttullu aallakaatitsisassaaq, kiisalu ullut tamaa minutsit 20-t atorlugit ullormut pisunik tuluttut, kalaallisut, yupiktut inuppiartullu aallakaatitsiassalluni.