Isiginnaartitsisarfiit marluusut Ronja piaasup pania isiginnaassiaraat
Nunatta Isiginnaartitsisarfiata Islandip isiginnaartitsisarfia suleqatigalugu 'Ronja piiaasup pania' pinngortitamiikkumatooq takutilerpaa.
Nunatta Isiginnaartitsisarfiata Astrid Lindgrenip oqaluttualiaa 'Ronja piiaasup pania' ilaqutariinnut isiginnaagassiatut Islandip isiginnaartitsisarfia suleqatigalugu takutilerpaa.
Ronja kinaana? Atiani oqaatigineqarutut piiaasut akornanni peroriartorpoq. Pinngortitalerilluartarnermigullu nulumaajaqqat toornatsiaallu akornaniinnissani ilikkarlugu. Ikinngutai tamarmik inersimasuupput, inuunerali allanngortinneqarpoq nukappiaraq Birkimik atilik naapikkamiuk. Akeqqap ernera qanittuani najugalik, peqaaralugulu. Ronja Pakalu marluullutik aalajangerput angajoqqaamisulli piiaasutut inuunatik inuunitik nammineq ilusilersussallugit. Tamannalu oqitsuinnaananilu ulorianaatsuinnaanngilaq.
Ilitsersuisoq Islandimioq
Nunatta Isiginnaartitsisarfiata ilitsersuisoq Islandimioq suleqasiussimavaa, Bjørn Ingi Hilmarsson, Reykjavikkimi Islandip isiginnaartitsisarfiani sulisuusoq. Taanna 2018-mi ukiaasoq Islandimi Ronja Røverdatter isiginnaartitsissutigineqarnerani ilitsersuisumut ikiortaavoq, taamaalillunilu Ronjamik oqaluttuaq nalunngilluinnarlugu. Islandip isiginnaartitsisarfiata pisortaa Nunatta Isiginnaartitsisarfiata ikinngutigilluangaa Ari Matthíasson-ip suliaq tapersersorlugu Islandimiit Nuummut isiginnaartitsiviup kiluanik aaqqissuisartumik (scenograf) kiisalu qaamanermik ilusilersuisartumik (lysdesign) tikisitsivoq.
Taassumalu saniatigut Nunatta Isiginnaartitsarfia iluatsitsilluni Det Kongelige Teater-imiit atisaliortartumik isiginnaagassiamut peqataasoqarpoq.
- Taanna Nunatta Isiginnaartitsisarfiani Nuummi suliffimmik misiliivoq, tamannalu suleqatigiinneq ilikkakkanik nutaanik kiisalu misilittakkanik nutaanik paarlaateqatigiiffiuvoq. Nuannaarutigalugulu tulluusimaarutigaarput ajunngilluinnartumik suleqatigiinnerput, neriuppugullu isiginnaagassiami takuneqarsinnaajumaartoq qanoq suliaalluarsimatiginersoq, Susanne Andreassen taama naggasiivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...