Nunatta Isiginnaartitsisarfia
Isiginnaartitsisartunngorniat juullerpaluttumik takutitsissapput
Nunatta Isiginnaartitsisarfiani ilinniartut perngaammik isiginnaartitsissapput. Juullip qaammataani juullerpaalaartumik isiginnaartitsissusiamik 'Meeraanermi eqqaamasat' takutissallugu
Isiginnaartitsisunngorniarlutik ilinniartut juullernissaanut qilanaalereerput. Juullimmi qaammataani isiginnaartitserngaarnissaminnut piariissapput isiginnaagassiaq juullerpaluttoq ”Meeraanermi eqqaamasat” isiginnaartitsissutigilerunikku.
Isiginnaagassiaq nunaqarfimmi Saqqami 60-ikkut naajartorneranni misigisat tunngavigalugit suliaavoq, nunaqarfimmiut illoqarfinnut noorarlutik aallartinngikkallarmata.
- Varste Mathæussenip nammineerluni isiginnaagassiaq allataralugulu nammineq inuttaaffigalugu isiginnaartitsissutigisareernikuummagu uagutsinnut assut iluarpoq, isiginnartitsisarfiut pisortaa Susanne Andreasen tusagassiuutinut nalunaarummi allappoq.
Atuaruk: Nunatta Isiginnaartitsisarfiani pisortanngortussaq
Varstep meeraanerminit eqqaamasai
- Tassaappummi Varstep nammineerluni meeraanermini misigisai, kusanarluinnartumik uagutsinnik avitseqatigimmatigut nuannaarutigaara, taamaasiornermigut allaanngilaq kinguaariit tulliinnut isiginnaagassiami qalersamik norluliisoq, Susanne Andreasen oqarpoq.
Juullertinnagu ukioq kaajallallugu qaammatit tusarfigissavagut: Upernaaq, Aasaq, Ukiaq, Ukioq, qanorlu meeqqat inersimasullu pikisariaaseqartut ukiassamut pilillutik.
- Isiginnaagassiaq isiginnaartitsisartunngorniarlutik ilinniartuinnarnik inuttaqarpoq isumaqaratta ilinniarnerminni semesterip siulliup naalernerani unammilligassaqqissuusoq, isiginnaartitsisarfiup ningiua Varste Mathæussen oqarpoq.
Juullimi inuulluaqqussummut immiussipput
Isiginnaagassiap sungiusarnerani Karina Møller erinarsornermut sungiusaasorisimavaat isikkussaanut qitittaanullu Pierre Auzias sungiusaasoralugu.
Saniatigullu iluatsitsilluarlutik Ann Andreassenimik Uummannami meeqqat illuannut qaaqqusaasimallutik tassanilu meeqqat erinarsoqatigalugillu nipilersoqatigisimallugit, ilaatigut DR-imi Kalaallit-Nunaannut Juullimut Inuulluaqqusinernut, atugassaannik.
Isiginnaagassiaq decembarip ulluisa pingajuanni Nunatta Isiginnaartsitsisarfiani siullermeerluni takutinneqassaaq.