Isiginnaartitsisartut assini
Odensemi Kalaallit Illuutaata kalaallit isiginnaartitsisarfianik Tûkak teaterimik assilisanik saqqummersitsinini ammarpaa.
Annonse
1975-imi Tûkaq teatret nunarsuarmi siullersaalluni kalaallinik isiginnaartitsisartunik ilinniagaqartitsivittut akuerineqarpoq, ukiorlu taanna Ole Jørgensen isiginnaartitsisarfimmi pr-chefitut atorfinitsinneqarpoq. Ole Jørgensen sulinermini assiliisaqattaartarsimavoq assilisanilu tamakkua Odensemi Kalaallit Illuutaanni saqqummersippai.
Saqqummersitsinermi piffissaq 1975-1984 oqaluttuarineqarpoq, piffissami tamatumani Ole Jørgensen isiginnaartitsisartunik, isiginnaagassianik Tûkak-milu avatangiisinik tamanik assiliisaqattaartarsimavoq.
Saqqummersitsini Café Allu-mi ammassaaq januarip 22-ianni, tassanissaaq Ole Jørgensen aamma naapinneqarsinnaalluni.