Issittumi ilisimatooq 101-inik ukioqarluni toqusoq
Jeans Malaurie nunarsuarmi siullersaalluni nunat inoqqaavinisa inuusaasiannik kulturiannillu illersuillunisorsuutiginnippoq
Ilisimatooq, nunat inoqqaavinisa inuusaasiannik kulturiannillu illersuilluni nunarsuatsinni
siullersaalluni sorsuutiginnittoq, franskeq Jean Malaurie 101-nik ukioqarluni februaarip ulluisa tallimaanni eqqissillunni toquvoq.
Jean Malaurie nunatsinni, pingaartumik avanersuarmi Inughuit
kulturiannik inuusaasiannillu ilisimatusarsimanermigut ilisimaneqarpoq.
Taanna Emmanuel de Martonnemit franskit issittumi ilisimasassarsiorneranni, Paul-Émile Victorimit siulersorneqartumi, nunap immikkoortuinik ilisimatuutut fysikeritullu toqqarneqarpoq. Jean Malaurie 1948-mi 1949-milu franskit issittumi ilisimasassarsiorneranni marloriarluni peqataasoq, Frankrigip præsidentiata Emmanuel Macronip eqqaaniaanermini oqaatigaa.
Issittumi ikinnerussuteqartut pillugit illersuisoq
Jean Malaurie 1950-imi franskit nunap assinginik inuiaallu pissusiinik misissuiartorneranni siullerni, Canadami ilisimatusarfimmit, CNRS-ip aallartitatut, Kalaallit Nunaata avannaani siuttuusimavoq. Præsidentip eqqaaniaalluni oqaasii naapertorlugit tassani issittumiinnermini aalajaalluni Inughuit akuliuffigalugit illersugarilerpai.
Jean Malauriep inuit pilerfiat, inooriaasiat inuiaqatigiinnilu aaqqissuussaaneq misissorpai, avannarpasinnerusumut angalagami sineriallu kangerluillu ilisimaneqanngitsut franskisut taaguusersorpai. „Tassani issittumi ikinnerussuteqartut suliniutaannik illersuisunngorpoq, oqaatsiminillu „inuunerup atuarfiani ilinniartinneqarsimalluni,“ præsidenti eqqaaniaanermini oqarpoq.
Jean Malaurie ilisimatuutut nunanit tamalaanit peqataaffigineqartumi siullersaalluni inuiaat navianartorsiortut kulturiat avatangiisillu pillugit sorsuppoq. „Ikuallattoq“ pillugu oqaluttuaq 1955-imi atuakkiarineqarmat atuakkiortutut ilisimatuussutsikkullu suliat allattorsimaffianni malunnaateqarluarpoq.
Jean Malaurie nunarsuarmi tamarmi kingornussassatut ataqqineqarlunilu nersorneqartoq, præsident Emmanuel Macron eqqaaniaanermini naggasiivoq.
Jean Malaurie Tysklandimi, Mainzimi 1922-imi decembarip ulluisa 22-ani inunngorpoq.