Isumaqatigiissut nutaaq: Kalaallisut filmiliat qallunaat tapiissutaannut qinnuteqarsinnaalersut
Filmiliornermi isumaqatigiissummi nutaami kalaallisut savalimmiutullu filmiliaat danskit filmiliaattulli Dansk Film Institutimut taperneqarnissamut qinnuteqarsinnaalerput.
Kalaallit filmiliaat qallunaat filmiliaat naligalugit 2024-miit Dansk Film Institutimut (DFI) aningaasaliiffigineqarnissamut qinnuteqarsinnaalerput. Tamanna filmiliornermi isumaqatigiissummi nutaami atulersoq, IA Folketingimi tusagassiorfinnut nalunaaruteqarluni allappoq.
- Kalaallinut filmiliortartunut aaqqissussaanikkut aporfimmikfilmiliornermut isumaqatigiissummik matuminngapeersitsisinnaasimagatta nuannaarutigaara. Ataatsimoorlutaiternga tikillugu oqaluttuanut Naalagaaffeqatigiinnermiluassigiinngisitaarnerusumik akunnitsinni ilisimasaqalernissatsinnutaqqutissiuivugut, tamannalu nunatta akornannisoqutiginninnermik ikitsisinnaassalluni attaveqatigiinnitsinnillunukittorsaasinnaalluni, folketingimi ilaasortaq Aaja Chemnitz oqarpoq.
Film.gl-imit naalagaaffeqatigiit iluanni naligiimmik periarfissaqarnissaat ukiuni arlalinni sulissutigisimavaat.
Filmiliortartut nuannaartut
Kalaallisut savalimmiutullu filmiliat DFI-mut tapertinnissamut qinnuteqarsinnaasarsimanngillat oqaatsit atorneqartut peqqutigalugit. Oqaatsit kalaallisut savalimmiutullu filmimi atorneqarnerat tunngavigalugu qinnuteqaat DFI-mit itigartitsissutigineqartarsimasoq, maanna peerneqarpoq.
Siulittaasup Klaus Georg Hansenip angusaq nuannaarutigaa:
- Soorunami angusaq iluarisimaarparput. Suliaq piffissartornarsimaqaaq. Allannguut isumaqarpoq kalaallisut savalimmiutullu oqaaseqarluta filmiliortut, danskisut oqalullutik filmiliortut naligalugit, DFI-mut tapiissutissanik qinnuteqarsinnaaleratta, Klaus Georg Hansen oqaluttuarpoq.
Naligiinneq tunngavigalugu sulineq
Kalaallisut savalimmiutullu filmiat, danskit filmiliortui suleqatigigunikkit Danske Film Institutimut qinnuteqarsinnaalerput.
- Uagutsinnut ullormiit ullormut malunnaataavallaarnavianngilaq. Immikkut pineqartussanngorluta aaqqiisoqanngilaq. Kisiannili iluaqutaasoq tassavoq naalagaaffeqatigiinnerup iluani naligiinneq tunngavigalugu sulilissaagut, danskisut filmiliortut naligalugit kalaallisut savalimmiormiusullu filmiliortut qinnuteqarsinnaalissallutik, Klaus Georg Hansen nassuiaavoq.
Kalaallisut Savalimmiormiusullu filmiliat taperneqarnissamutsiornatigut nunani allani oqaatsit atorlugit filmilianut sammisumikaningaasanut immikkoortinneqarsimasunut unammillerfioqisumutqinnuteqartussaasarsimapput.