KL

DK

Isumassarsiorfik: Atisaasivimmit tukattumiit aaqqissuulluakkamut

”Taamaallaat” nivinngaaviit amitsut, amusartunik immikkoortitsissutit ilisiviillu nutaat pisariaqarput, atisama tamarmiusut inissaqarlutillu aaqqissornissaannut – puussiallu affaa igillugu.

Jeg havde ikke nok metalbøjler, så jeg fik genbrugt nogle af de gamle træbøjler. De fylder rigtig meget. Jeg skal helt klart skaffe flere metalbøjler, for jeg er vild med at de tynde bøjler fylder så meget mindre end træbøjlerne.
Paornánguaq Kleist Journalist
Offentliggjort

- Ukiuni tallimani illorput najugaqarfigaarput, atisaasiviullu ilaa atugara qatsulluinnarpara. Mikivallaaqaaq! Atisakka tamarmik inissaqanngillat. Naak ilaannikkut immikkoortiteriuartaraluarlunga torersaallungalu imaalipallattarpoq soorlu Hermionip pooqattaa angakkuarnikkut sorpassuarnik immerneqarsinnaasoq. Atisanik ujaasineq allaaneq ajorpoq Pandorap illerfianik ammaaneq – atorniakkannillu nassaarsinnaanngisaannarama erloqinaqaaq.

ARNANUT

Allaaserisaq una atuagassiami Arnanuni saqqummersuni kingullermeersuuvoq. Atuagassiaq tamaat uani atuarneqarsinnaavoq: Arnanut

Maannakkuusariaqarpoq. Amusartunut pingasunut immikkoortiterissutinik pissarsivunga, ilisivinnillu atisanut nivinngaavimmut nivinngagassannik nivinngaavinnillu saviminiusunik, nivinngarlugit inikinnerusarmata.

Immikkoortoq siulleq ajornaannerpaavoq. Atisaasiviga imaarpara. Atisat siniffimmi qaleriiaapput. Nivinngaaviit, ilisiviit amusartunullu immikkoortiterissutit inissinneqarmata atisat inisseqqiinnartussaavakka.

Nalunngilara atisat aamma immikkoortitertussaallugit. Atisanik akornuteqanngitsunik igitsinissaq nuanniigiuaannarpara, atisalli naammagiunnaakkat, ajoqutillit imaluunniit ima nutaanngilisimatigisut ittangalersimasut toqqortariinnarneqarsinnaanngillat.

Sularineranni immikkoortiterivunga, alersit, leggingsit, timersuutit, atequtit, qungasequtit pooqattallu amusarissanut ikiorarlugit. Kavaajaaqqat, kiatit takisuut, kjuulit kiatillu kusanarnerit nivinngaavinnut nivinngarneqarput, qarliillu ilisiviit qullersaanni initugajuttartut immikkut qarlinnut nivinngaaviit atorlugit nivinngarneqarlutik. Tujuuluaqqat, kiateeqqat angerlarsimallungalu kjuulerisartakkakka torersumik imuneqarput ilisivinnullu ilineqarlutik, tujuuluit imoriarlugit ilisiviit qullersaannut ilineqarlutik.

Akunnerit marlussuit atorpakka –immaqalu sivisunerulaarluni, assiliisartussaavungami, atisaasivigali ulikkaavikkunnaarsimasoq takullugu naammagisimaarnarluinnarpoq. Ilimagisanniit piigakinneruvunga. Eqqaavimmut puussiap affaa, annermillu atisaapput naammagiunnaarsimasakka imaluunniit ajoquteqartut.

Isumaqarsimagaluarpunga atisaasivimmik anginerusumik pitsaanerusumillu pissarsisariaqarlunga. Nivinngaaviilli amitsut amerlanerit atorfissaqartiinnarsimavakka pitsaanerusumillu aaqqissuussillunga. Nivinngaaviit savimerngit amerlanerit pissarsiarisariaqarpakka, atoruminaqaammi.

oprydning organisering kultur kulturi tøj

ATORFIIT Se alle jobs

Powered by Labrador CMS