Ivars Silis-ip atuakkiaa nutaaq
Atuakkiortup assiliisartullu atuakkiamini "Disko – den blå bugt"-mi Nunatta avannaata kitaa ersarissumik eqqartorpaa
Ivar Silis-ip atuakkiamini "Kap Farvel -hvor kulturer mødes" Nunatta kujataata nunartaa assigiinngiiaaqisoq, sermersuup avataaniittoq allaaseraa.
Atuakkanik saqqummeresitsivimmi Gyldendal-imi sisamanngorpat Ivar Silis-ip atuakkiaa pillugu persuarsiortoqaqqissaaq. Tamatumuuna assiliisartup atuakkiortullu 70-nik ukiullip Nunatta avannaata kitaa tupinnaannartumik kusanassusilik ullutsinni isiginneriaaseq atorlugu atuakkiamini ”Disko – den blå bugt”-imi takutinniarpaa.
Allaaserisani 15-ini, silaannaap pissusaa, uumasut inuuillu tamaani ukiuni tuusintilinni ataqatigiissimanerat, naggueqatigiillu inuit kulturiisa assigiinngitsut neriniartarfiattut atasimanera, Ivar Silis-ip assilisssamini nassuiaatitalersorlugit takutippaa. Kalaallit Nunaata immikkoortortaatamana Qeqertarsuup eqqaa kisimi, inuit kulturiinit assigiinngitsunit najugarineqartarsimavoq. Kalaallit Nunaata avannaata kitaa tamanna ullumikkut suli, aalisarnermi allanillu inuussutissarsiornermi qitiuvoq.
Piffissami kingullermi uuliasiorfiit tamanna soqutigilersimavaat.