Iviangini pillugit allaaserinnittarneq ajorinngilaa
Julie Berthelsenip quiaigiinnarpaa tusagassiutini iviangiginnerpaatut toqqarneqarnini.
Erinarsortartup Julie Berthelsenip danskit kalaallillu tusagassiutaasa piffissami kingullermi danskit aviisinit iviangiginnerpaanerarlugu allaserineqartarnini quiagiinnarpaa.
- Perroorutigeqaraa quiagalugulu. Naluaalli iviangikka qanoq isikkoqarnersut, Julie oqarpoq.
Aviisip Her og Nu-p atuartuisa iviangiginnerpaatut toqqarpaat, Ekstra Bladeli aamma akuliuppoq amerikamioq isiginnaartitsisartoq Scarlett Johansson aamma Julie Berthelsen unammitilerlugit, taakkunani kina nunarsuarmi iviangiginnerpaatut unammiterlugit.
- Unammisitsisut iviangit akunnerat kisiat pillugu unammisititsissutigissagaluarpaat, taannami kisimi takuneqarsinnaavoq, Julie Berthelsen oqarpoq illarlullunilu.
– Tusagassiutiniittarnerup nuannarineqarneq uummarissartarpaa. Qanoq isikkornera pillugu allaaserineqartarnera soqutiginngilara. Inuttut nakuusuungama tamakku sussarineq ajorpakka, Julie Berthelsen tusagassiutinit sammineqarnermigut sungiussilluarsimasoq oqarpoq.