Jessie Kleemannip Eckersberg Medaillen pissarsiaraa
Eqqumiitsuliortoq Jessie Kleemann eqqumiitsuliornermik suliaminik pitsaalluinnartumik naammassisaqarnera pillugu Akademirådetimit Eckersberg Medaillenimik nersornaaserneqarpoq.
- Jessie Kleemannip suliai tarrarsorfigaavut. Tassani piviusumut toqqissisimanartumik ungasissuseqanngilaq. Tassani silap pissusianik ajunaarnersuarmi aamma nunasiaateqarnerup annernartuini kusassarneqanngilagut, Akademiraadet nersornaasiinermut atatillugu tunngavilersuivoq.
Grant Foto
Jessie Kleemann eqqumiitsuliornerminut
Eckersberg Medaillenimik nersornaaserneqarpoq. ’Eqqumiitsuliornermik
kiffaanngissuseqartumik imaluunniit kiffaanngissuseqartumik sulianut
pitsaalluinnartunut’ Danmarkimi Akademirådet nersornaasiisarpoq .
Nersornaasiinermut tunngavilersuinermi
ilaatigut Jessie Kleemannip isiginnaagassiaa 'Orsoq'
oqaatigineqarpoq:
- Isiginnaagassiami 'Orsoq'-mi puisip
orsua qallunaat kalaallillu nunasiaateqarnermi oqaluttuarisaanerani
qitiusumik pingaaruteqannguatsiarpoq, kisianni aamma
tigussaasuullunilu malugisassaavoq akaarnaatsoq aamma alutornartoq,
Akademiraadet allappoq.
-
Toqqissisimanartumik ungasissuseqanngitsoq
Akademiraadet qallunaat naalagaaffiata
assilialiorluni aamma illussanik titartaasartut pillugit
eqqumiitsuliornermik apeqqutini siunnersuisoraat,
siunnersuisoqatigiillu tunngavilersuinerminni nangillutik allapput:
- Jessie Kleemannip suliai
tarrarsorfigaavut. Tassani piviusumut toqqissisimanartumik
ungasissuseqanngilaq. Tassani silap pissusianik ajunaarnersuarmi
aamma nunasiaateqarnerup annernartuini kusassarneqanngilagut.
Nersornaasiineq Naalakkersuisut
maluginiarpaat, naalakkersuisullu Aqqaluaq B. Egedep (IA) Jessie
Kleemann pilluaqquaa:
Naalakkersuisunit
pilluaqussut
- Suliatit sakkortuut qunusuitsullu
pillugit Eckersberg Medaillen 2024-mik nersornaasigaaninni
Naalakkersuisut sinnerlugit pilluaqquakkit.
- Nuannaarutigaarput
tulluusimaarutigalugulu taama kusarnartigisumik nersorniarneqaravit. Naalakkersuisut siunissamik iluatsitsilluarfiusumik pilluarnartumillu
kissaappaatsit, Aqqaluaq B Egede taama oqarpoq.
Marsimi Akademirådip eqqumiitsuliortut
assilialiortut, illussanik titartaasartut eqqumiitsuliortullu 15-it
„qallunaat eqqumiitsuliorneranni illussanik titartaasarnermilu
immikkut iliuuseqarsimasut“ ataqqinaammik nersornaaserpai, Jessie
Kleemann taakku ilagaat.
Dronning Margrethe nersornaasiinermi
qaaqqusat ilagaat.