Jonathan atuakkanik niuffaffimmi
Jonathan Motzfeldt Mogens Lykketoftimik oqaloqateqartoq Nunani Avannarlerni atuakkat pillugit atuartartunut nittarsaannermik aaqqissuussami annertulaami ilaasut ilagaat.
Danmarkimi Forumimi tallimanngornermi novembarip 14ianiit sapaat ilanngullugu atuakkanik nittarsaassisoqassaaq. Atussassisoqassaaq, apeqqarissaartoqarluni, oqalugiartoqarluni atuakkanillu qaatiguuliuuttoqassalluni.
Tamanna iluatsillugu atuagaq nutaaq ”Jonathan Motzfeldt - bygdedrengen, præsten, landsfaderen og statsmanden" niuffaffimmi saqqummersinneqassaaq. Tamanna Bogcafemi sapaatikkut uanikkut pissaaq, Jonathan Motzfeldt Mogens Lykketoft peqatigalugu oqalugiassapput.
- Qularutissaanngilaq ikinngutigiit politikerillu misilittagartuut taakku marluk oqaloqatigiinnerat ussagarfigineqassasoq, Finn Jørn Jakobsen sermitsiaq.glimut oqarpoq.
Atuagaq Naqitserisitsisarfimmi Forlaget Shnimi saqqummersinneqassaaq, taanna folketingimi politikerimit Ole Sohnimit pigineqarpoq.
- Motzfeldt pillugu atuakkiaq saqqummersissagatsigu tulluusimaarutigaarput. Inuit kinaanerinik ilisaritsinerit politikerillu nuimasut immikkut sammisarisalersimavagut, taamaattumik unani ukiuni nutaajunerusuni kalaallit politikeriisa sunngiuteqarnerpaartaasa ilaat pillugu atuakkiaq naleqqulluinnarpoq, Ole Sohn Sermitsiamut oqarpoq.